| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၉. သတ္ထုသာသနသုတ္တဝဏ္ဏနာ
9. Satthusāsanasuttavaṇṇanā
၈၃. နဝမေ ဧကောတိ အဒုတိယော။ ဝူပကဋ္ဌောတိ ကာယေန ဂဏတော, စိတ္တေန ကိလေသေဟိ ဝူပကဋ္ဌော ဝိဝေကဋ္ဌော ဒူရီဘူတော။ အပ္ပမတ္တောတိ သတိအဝိပ္ပဝာသေ ဌိတော။ ပဟိတတ္တောတိ ပေသိတတ္တော။ နိဗ္ဗိဒာယာတိ ဝဋ္ဋေ ဥက္ကဏ္ဌနတ္ထာယ။ ဝိရာဂာယာတိ ရာဂာဒီနံ ဝိရဇ္ဇနတ္ထာယ။ နိရောဓာယာတိ အပ္ပဝတ္တိကရဏတ္ထာယ။ ဝူပသမာယာတိ ကိလေသဝူပသမာယ အပ္ပဝတ္တိယာ။ အဘိညာယာတိ တိလက္ခဏံ အာရောပေတ္ဝာ အဘိဇာနနတ္ထာယ။ သမ္ဗောဓာယာတိ မဂ္ဂသင္ခာတသ္သ သမ္ဗောဓသ္သ အတ္ထာယ။ နိဗ္ဗာနာယာတိ နိဗ္ဗာနသ္သ သစ္ဆိကရဏတ္ထာယ။
83. Navame ekoti adutiyo. Vūpakaṭṭhoti kāyena gaṇato, cittena kilesehi vūpakaṭṭho vivekaṭṭho dūrībhūto. Appamattoti satiavippavāse ṭhito. Pahitattoti pesitatto. Nibbidāyāti vaṭṭe ukkaṇṭhanatthāya. Virāgāyāti rāgādīnaṃ virajjanatthāya. Nirodhāyāti appavattikaraṇatthāya. Vūpasamāyāti kilesavūpasamāya appavattiyā. Abhiññāyāti tilakkhaṇaṃ āropetvā abhijānanatthāya. Sambodhāyāti maggasaṅkhātassa sambodhassa atthāya. Nibbānāyāti nibbānassa sacchikaraṇatthāya.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၉. သတ္ထုသာသနသုတ္တံ • 9. Satthusāsanasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၉. သတ္ထုသာသနသုတ္တဝဏ္ဏနာ • 9. Satthusāsanasuttavaṇṇanā
