| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៩. សត្ថុសាសនសុត្តវណ្ណនា
9. Satthusāsanasuttavaṇṇanā
៨៣. នវមេ ឯកោតិ អទុតិយោ។ វូបកដ្ឋោតិ កាយេន គណតោ, ចិត្តេន កិលេសេហិ វូបកដ្ឋោ វិវេកដ្ឋោ ទូរីភូតោ។ អប្បមត្តោតិ សតិអវិប្បវាសេ ឋិតោ។ បហិតត្តោតិ បេសិតត្តោ។ និព្ពិទាយាតិ វដ្ដេ ឧក្កណ្ឋនត្ថាយ។ វិរាគាយាតិ រាគាទីនំ វិរជ្ជនត្ថាយ។ និរោធាយាតិ អប្បវត្តិករណត្ថាយ។ វូបសមាយាតិ កិលេសវូបសមាយ អប្បវត្តិយា។ អភិញ្ញាយាតិ តិលក្ខណំ អារោបេត្វា អភិជាននត្ថាយ។ សម្ពោធាយាតិ មគ្គសង្ខាតស្ស សម្ពោធស្ស អត្ថាយ។ និព្ពានាយាតិ និព្ពានស្ស សច្ឆិករណត្ថាយ។
83. Navame ekoti adutiyo. Vūpakaṭṭhoti kāyena gaṇato, cittena kilesehi vūpakaṭṭho vivekaṭṭho dūrībhūto. Appamattoti satiavippavāse ṭhito. Pahitattoti pesitatto. Nibbidāyāti vaṭṭe ukkaṇṭhanatthāya. Virāgāyāti rāgādīnaṃ virajjanatthāya. Nirodhāyāti appavattikaraṇatthāya. Vūpasamāyāti kilesavūpasamāya appavattiyā. Abhiññāyāti tilakkhaṇaṃ āropetvā abhijānanatthāya. Sambodhāyāti maggasaṅkhātassa sambodhassa atthāya. Nibbānāyāti nibbānassa sacchikaraṇatthāya.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៩. សត្ថុសាសនសុត្តំ • 9. Satthusāsanasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៩. សត្ថុសាសនសុត្តវណ្ណនា • 9. Satthusāsanasuttavaṇṇanā
