| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
16. садтигуудабзд̇авад̇т̇у
16. Saṭṭhikūṭapetavatthu
806.
806.
‘‘гим̣ ну уммад̇д̇аруубова, миг̇о бханд̇ова д̇хааваси;
‘‘Kiṃ nu ummattarūpova, migo bhantova dhāvasi;
ниссам̣саяам̣ баабагамманд̇о 1, гим̣ ну сад̣̇д̣̇ааяасз д̇ува’’нд̇и.
Nissaṃsayaṃ pāpakammanto 2, kiṃ nu saddāyase tuva’’nti.
807.
807.
‘‘ахам̣ бхад̣̇анд̇з бзд̇омхи, д̣̇уг̇г̇ад̇о яамалогиго;
‘‘Ahaṃ bhadante petomhi, duggato yamalokiko;
баабагаммам̣ гарид̇ваана, бзд̇алогам̣ ид̇о г̇ад̇о.
Pāpakammaṃ karitvāna, petalokaṃ ito gato.
808.
808.
‘‘садти гуудасахассаани, барибун̣н̣аани саб̣б̣асо;
‘‘Saṭṭhi kūṭasahassāni, paripuṇṇāni sabbaso;
сийсз маяхам̣ нибад̇анд̇и, д̇з бхинд̣̇анд̇и жа мад̇т̇ага’’нд̇и.
Sīse mayhaṃ nipatanti, te bhindanti ca matthaka’’nti.
809.
809.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гисса гаммавибаагзна, ид̣̇ам̣ д̣̇угкам̣ ниг̇ажчаси.
Kissa kammavipākena, idaṃ dukkhaṃ nigacchasi.
810.
810.
‘‘садти гуудасахассаани, барибун̣н̣аани саб̣б̣асо;
‘‘Saṭṭhi kūṭasahassāni, paripuṇṇāni sabbaso;
сийсз д̇уяхам̣ нибад̇анд̇и, д̇з бхинд̣̇анд̇и жа мад̇т̇ага’’нд̇и.
Sīse tuyhaṃ nipatanti, te bhindanti ca matthaka’’nti.
811.
811.
‘‘ат̇ад̣̇д̣̇асаасим̣ самб̣уд̣̇д̇хам̣, сунзд̇д̇ам̣ бхаавид̇инд̣̇рияам̣;
‘‘Athaddasāsiṃ sambuddhaṃ, sunettaṃ bhāvitindriyaṃ;
нисиннам̣ ругкамууласмим̣, жхааяанд̇ам̣ агуд̇обхаяам̣.
Nisinnaṃ rukkhamūlasmiṃ, jhāyantaṃ akutobhayaṃ.
812.
812.
‘‘саалид̇д̇агаббахаарзна, бхинд̣̇иссам̣ д̇асса мад̇т̇агам̣;
‘‘Sālittakappahārena, bhindissaṃ tassa matthakaṃ;
д̇асса гаммавибаагзна, ид̣̇ам̣ д̣̇угкам̣ ниг̇ажчисам̣.
Tassa kammavipākena, idaṃ dukkhaṃ nigacchisaṃ.
813.
813.
‘‘садти гуудасахассаани, барибун̣н̣аани саб̣б̣асо;
‘‘Saṭṭhi kūṭasahassāni, paripuṇṇāni sabbaso;
сийсз маяхам̣ нибад̇анд̇и, д̇з бхинд̣̇анд̇и жа 3 мад̇т̇ага’’нд̇и.
Sīse mayhaṃ nipatanti, te bhindanti ca 4 matthaka’’nti.
814.
814.
‘‘д̇хаммзна д̇з гаабуриса, садтигуудасахассаани, барибун̣н̣аани саб̣б̣асо;
‘‘Dhammena te kāpurisa, saṭṭhikūṭasahassāni, paripuṇṇāni sabbaso;
сийсз д̇уяхам̣ нибад̇анд̇и, д̇з бхинд̣̇анд̇и жа мад̇т̇ага’’нд̇и.
Sīse tuyhaṃ nipatanti, te bhindanti ca matthaka’’nti.
садтигуудабзд̇авад̇т̇у сол̣асамам̣.
Saṭṭhikūṭapetavatthu soḷasamaṃ.
махааваг̇г̇о жад̇уд̇т̇о нидтид̇о.
Mahāvaggo catuttho niṭṭhito.
д̇ассуд̣̇д̣̇аанам̣ –
Tassuddānaṃ –
амб̣асаггаро сзрийсаго, бин̇г̇ало рзвад̇и ужчу;
Ambasakkaro serīsako, piṅgalo revati ucchu;
д̣̇вз гумаараа д̣̇увз г̇уут̇аа, г̇ан̣абаадалиамб̣аванам̣.
Dve kumārā duve gūthā, gaṇapāṭaliambavanaṃ.
агкаругкабхог̇асам̣хараа, сздтибуд̇д̇асадтигуудаа;
Akkharukkhabhogasaṃharā, seṭṭhiputtasaṭṭhikūṭā;
ид̇и сол̣асавад̇т̇ууни, ваг̇г̇о д̇зна бавужжад̇и.
Iti soḷasavatthūni, vaggo tena pavuccati.
ат̇а ваг̇г̇уд̣̇д̣̇аанам̣ –
Atha vagguddānaṃ –
ураг̇о убариваг̇г̇о, жуул̣амахаад̇и жад̇уд̇хаа;
Urago uparivaggo, cūḷamahāti catudhā;
вад̇т̇ууни згабан̃н̃аасам̣, жад̇уд̇хаа бхаан̣аваарад̇о.
Vatthūni ekapaññāsaṃ, catudhā bhāṇavārato.
бзд̇авад̇т̇убаал̣и нидтид̇аа.
Petavatthupāḷi niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 16. садтигуудабзд̇авад̇т̇уван̣н̣анаа • 16. Saṭṭhikūṭapetavatthuvaṇṇanā
