| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৪-৫. সত্তাৰাসসুত্তাদিৰণ্ণনা
4-5. Sattāvāsasuttādivaṇṇanā
২৪-২৫. চতুত্থে সত্তা আৰসন্তি এতেসূতি সত্তাৰাসা, নানত্তসঞ্ঞিআদিভেদা সত্তনিকাযা। যস্মা তে তে সত্তনিৰাসা তপ্পরিযাপন্নানং সত্তানং তায এৰ তপ্পরিযাপন্নতায আধারো ৰিয ৰত্তব্বতং অরহন্তি। সমুদাযাচারো হি অৰযৰস্স যথা ‘‘রুক্খে সাখা’’তি, তস্মা ‘‘সত্তানং আৰাসা, ৰসনট্ঠানানীতি অত্থো’’তি ৰুত্তং। সুদ্ধাৰাসাপি সত্তাৰাসোৰ ‘‘ন সো, ভিক্খৰে, সত্তাৰাসো সুলভরূপো, যো মযা অনাৰুত্থপুব্বো ইমিনা দীঘেন অদ্ধুনা অঞ্ঞত্র সুদ্ধাৰাসেহি দেৰেহী’’তি (দী॰ নি॰ ২.৯১) ৰচনতো। যদি এৰং তে কস্মা ইধ ন গহিতাতি তত্থ কারণমাহ ‘‘অসব্বকালিকত্তা’’তিআদি। ৰেহপ্ফলা পন চতুত্থেযেৰ সত্তাৰাসে ভজন্তীতি দট্ঠব্বং। পঞ্চমং উত্তানমেৰ।
24-25. Catutthe sattā āvasanti etesūti sattāvāsā, nānattasaññiādibhedā sattanikāyā. Yasmā te te sattanivāsā tappariyāpannānaṃ sattānaṃ tāya eva tappariyāpannatāya ādhāro viya vattabbataṃ arahanti. Samudāyācāro hi avayavassa yathā ‘‘rukkhe sākhā’’ti, tasmā ‘‘sattānaṃ āvāsā, vasanaṭṭhānānīti attho’’ti vuttaṃ. Suddhāvāsāpi sattāvāsova ‘‘na so, bhikkhave, sattāvāso sulabharūpo, yo mayā anāvutthapubbo iminā dīghena addhunā aññatra suddhāvāsehi devehī’’ti (dī. ni. 2.91) vacanato. Yadi evaṃ te kasmā idha na gahitāti tattha kāraṇamāha ‘‘asabbakālikattā’’tiādi. Vehapphalā pana catuttheyeva sattāvāse bhajantīti daṭṭhabbaṃ. Pañcamaṃ uttānameva.
সত্তাৰাসসুত্তাদিৰণ্ণনা নিট্ঠিতা।
Sattāvāsasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৪. সত্তাৰাসসুত্তং • 4. Sattāvāsasuttaṃ
৫. পঞ্ঞাসুত্তং • 5. Paññāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৪. সত্তাৰাসসুত্তৰণ্ণনা • 4. Sattāvāsasuttavaṇṇanā
৫. পঞ্ঞাসুত্তৰণ্ণনা • 5. Paññāsuttavaṇṇanā
