| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
ஸத்தஸமத²னானாத்தா²தி³வண்ணனா
Sattasamathanānātthādivaṇṇanā
354. அதி⁴கரணபுச்சா²விஸ்ஸஜ்ஜனே பாளியங் விபச்சயதாய வோஹாரோதி விரூபவிபாகாய அஞ்ஞமஞ்ஞங் து³க்கு²ப்பாத³னாய காயவசீவோஹாரோ. மேத⁴க³ந்தி வுத்³தி⁴ப்பத்தோ கலஹோ.
354. Adhikaraṇapucchāvissajjane pāḷiyaṃ vipaccayatāya vohāroti virūpavipākāya aññamaññaṃ dukkhuppādanāya kāyavacīvohāro. Medhaganti vuddhippatto kalaho.
அனுஸம்பவங்கதாதி விபத்திசோத³னாய அனு அனு ஸங்யுஜ்ஜனவஸேன நின்னதா.
Anusampavaṅkatāti vipatticodanāya anu anu saṃyujjanavasena ninnatā.
அப்³பு⁴ஸ்ஸஹனதாதி அதிவிய ஸஞ்ஜாதுஸ்ஸாஹதா. அனுப³லப்பதா³னந்தி சோத³கானம்பி உபத்த²ம்ப⁴கரணங். கம்மஸங்க³ஹாபா⁴வேனாதி ஸங்க⁴ஸம்முக²தாதி³மத்தஸ்ஸ ஸம்முகா²வினயஸ்ஸ ஸங்கா⁴தீ³ஹி கத்தப்³ப³கிச்சேஸு ஸங்க³ஹாபா⁴வா.
Abbhussahanatāti ativiya sañjātussāhatā. Anubalappadānanti codakānampi upatthambhakaraṇaṃ. Kammasaṅgahābhāvenāti saṅghasammukhatādimattassa sammukhāvinayassa saṅghādīhi kattabbakiccesu saṅgahābhāvā.
ஸத்தஸமத²னானாத்தா²தி³வண்ணனா நிட்டி²தா.
Sattasamathanānātthādivaṇṇanā niṭṭhitā.
அதி⁴கரணபே⁴த³வண்ணனானயோ நிட்டி²தோ.
Adhikaraṇabhedavaṇṇanānayo niṭṭhito.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 10. ஸத்தஸமத²னானத்தா²தி³ • 10. Sattasamathanānatthādi
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / ஸத்தஸமத²னானாத்தா²தி³வண்ணனா • Sattasamathanānātthādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஸத்தஸமத²னானாத்தா²தி³வண்ணனா • Sattasamathanānātthādivaṇṇanā
