| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಸತ್ತಪದುಮಿಯತ್ಥೇರಅಪದಾನಂ
4. Sattapadumiyattheraapadānaṃ
೧೪.
14.
‘‘ನದೀಕೂಲೇ ವಸಾಮಹಂ, ನೇಸಾದೋ ನಾಮ ಬ್ರಾಹ್ಮಣೋ।
‘‘Nadīkūle vasāmahaṃ, nesādo nāma brāhmaṇo;
ಸತಪತ್ತೇಹಿ ಪುಪ್ಫೇಹಿ, ಸಮ್ಮಜ್ಜಿತ್ವಾನ ಅಸ್ಸಮಂ॥
Satapattehi pupphehi, sammajjitvāna assamaṃ.
೧೫.
15.
‘‘ಸುವಣ್ಣವಣ್ಣಂ ಸಮ್ಬುದ್ಧಂ, ಸಿದ್ಧತ್ಥಂ ಲೋಕನಾಯಕಂ।
‘‘Suvaṇṇavaṇṇaṃ sambuddhaṃ, siddhatthaṃ lokanāyakaṃ;
೧೬.
16.
‘‘ಪಚ್ಚುಗ್ಗನ್ತ್ವಾನ ಸಮ್ಬುದ್ಧಂ, ಲೋಕಜೇಟ್ಠಂ ನರಾಸಭಂ।
‘‘Paccuggantvāna sambuddhaṃ, lokajeṭṭhaṃ narāsabhaṃ;
ಅಸ್ಸಮಂ ಅತಿನಾಮೇತ್ವಾ, ಜಲಜಗ್ಗೇಹಿ ಓಕಿರಿಂ॥
Assamaṃ atināmetvā, jalajaggehi okiriṃ.
೧೭.
17.
‘‘ಚತುನ್ನವುತಿತೋ ಕಪ್ಪೇ, ಯಂ ಪುಪ್ಫಮಭಿರೋಪಯಿಂ।
‘‘Catunnavutito kappe, yaṃ pupphamabhiropayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೧೮.
18.
‘‘ಇತೋ ತೇ ಸತ್ತಮೇ ಕಪ್ಪೇ, ಚತುರೋ ಪಾದಪಾವರಾ।
‘‘Ito te sattame kappe, caturo pādapāvarā;
ಸತ್ತರತನಸಮ್ಪನ್ನಾ, ಚಕ್ಕವತ್ತೀ ಮಹಬ್ಬಲಾ॥
Sattaratanasampannā, cakkavattī mahabbalā.
೧೯.
19.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸತ್ತಪದುಮಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā sattapadumiyo thero imā gāthāyo abhāsitthāti.
ಸತ್ತಪದುಮಿಯತ್ಥೇರಸ್ಸಾಪದಾನಂ ಚತುತ್ಥಂ।
Sattapadumiyattherassāpadānaṃ catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಆರಕ್ಖದಾಯಕತ್ಥೇರಅಪದಾನಾದಿವಣ್ಣನಾ • 1-10. Ārakkhadāyakattheraapadānādivaṇṇanā
