| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. सत्तपदुमियत्थेरअपदानं
4. Sattapadumiyattheraapadānaṃ
१४.
14.
‘‘नदीकूले वसामहं, नेसादो नाम ब्राह्मणो।
‘‘Nadīkūle vasāmahaṃ, nesādo nāma brāhmaṇo;
सतपत्तेहि पुप्फेहि, सम्मज्जित्वान अस्समं॥
Satapattehi pupphehi, sammajjitvāna assamaṃ.
१५.
15.
‘‘सुवण्णवण्णं सम्बुद्धं, सिद्धत्थं लोकनायकं।
‘‘Suvaṇṇavaṇṇaṃ sambuddhaṃ, siddhatthaṃ lokanāyakaṃ;
१६.
16.
‘‘पच्चुग्गन्त्वान सम्बुद्धं, लोकजेट्ठं नरासभं।
‘‘Paccuggantvāna sambuddhaṃ, lokajeṭṭhaṃ narāsabhaṃ;
अस्समं अतिनामेत्वा, जलजग्गेहि ओकिरिं॥
Assamaṃ atināmetvā, jalajaggehi okiriṃ.
१७.
17.
‘‘चतुन्नवुतितो कप्पे, यं पुप्फमभिरोपयिं।
‘‘Catunnavutito kappe, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
१८.
18.
‘‘इतो ते सत्तमे कप्पे, चतुरो पादपावरा।
‘‘Ito te sattame kappe, caturo pādapāvarā;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
१९.
19.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सत्तपदुमियो थेरो इमा गाथायो अभासित्थाति।
Itthaṃ sudaṃ āyasmā sattapadumiyo thero imā gāthāyo abhāsitthāti.
सत्तपदुमियत्थेरस्सापदानं चतुत्थं।
Sattapadumiyattherassāpadānaṃ catutthaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. आरक्खदायकत्थेरअपदानादिवण्णना • 1-10. Ārakkhadāyakattheraapadānādivaṇṇanā
