| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
೭. ಸತ್ತಮಸಿಕ್ಖಾಪದವಣ್ಣನಾ
7. Sattamasikkhāpadavaṇṇanā
೮೬೭. ಅನಾಪತ್ತಿವಾರೇ ‘‘ಧುವಪಞ್ಞತ್ತೇ’’ತಿ ನ ವುತ್ತಂ ‘‘ಸನ್ಥರಿತ್ವಾ ವಾ ಸನ್ಥರಾಪೇತ್ವಾ ವಾ’’ತಿ ವುತ್ತತ್ತಾ । ಇಧ ಛಟ್ಠೇ ವುತ್ತನಯೇನ ಪಕತಿಯಾ ಪಞ್ಞತ್ತೇ ಅಭಿನಿಸೀದತಿ ವಾ ಅಭಿನಿಪಜ್ಜತಿ ವಾ, ಪಾಚಿತ್ತಿಯಮೇವ। ಅಞ್ಞತ್ಥ ಧುವಪಞ್ಞತ್ತಂ। ಇಧ ವುತ್ತನಯೇನ ಸನ್ಥರಿತ್ವಾ ವಾ ಸನ್ಥರಾಪೇತ್ವಾ ವಾ ಅಭಿನಿಸೀದತಿ ವಾ ಅಭಿನಿಪಜ್ಜತಿ ವಾ, ಪಾಚಿತ್ತಿಯಮೇವ। ಉಭಯತ್ಥಾಪಿ ಪಞ್ಚಮೇ ವುತ್ತನಯೇನ ಅನಾಪುಚ್ಛಾ ಪಕ್ಕಮೇಯ್ಯ, ಪಾಚಿತ್ತಿಯಮೇವ, ಅನಾಪತ್ತಿವಾರೇ ಮಾತಿಕಾಯಂ ವುತ್ತಕಾಲತೋ ಅಞ್ಞಕಾಲಸ್ಸ ಅಪರಾಮಟ್ಠತ್ತಾತಿ ನೋ ತಕ್ಕೋತಿ ಆಚರಿಯೋ। ಅಪಿಚ ಅತ್ಥಾಪತ್ತಿಕಾಲೇ ಆಪಜ್ಜತಿ, ನೋ ವಿಕಾಲೇತಿಆದಿತ್ತಿಕೇ, ಅತ್ಥಾಪತ್ತಿ ರತ್ತಿಂ ಆಪಜ್ಜತಿ, ನೋ ದಿವಾತಿಆದಿತ್ತಿಕೇ ಚ ಅಟ್ಠಕಥಾಯಂ ಇಧ ಪಞ್ಚಮಛಟ್ಠಸತ್ತಮಸಿಕ್ಖಾಪದೇಹಿ ಸಙ್ಗಹಿತಾಪತ್ತೀನಂ ಅಪರಾಮಟ್ಠತ್ತಾ ಯಥಾಸಮ್ಭವಂ ತಿವಿಧಕಾಲೇ ತಿವಿಧಮೇತಂ ಯೋಜೇತ್ವಾ ದಸ್ಸೇತುಂ ವಟ್ಟತಿ ಏವ ಮಹಾಪದೇಸನಯಾನುಲೋಮತೋ।
867. Anāpattivāre ‘‘dhuvapaññatte’’ti na vuttaṃ ‘‘santharitvā vā santharāpetvā vā’’ti vuttattā . Idha chaṭṭhe vuttanayena pakatiyā paññatte abhinisīdati vā abhinipajjati vā, pācittiyameva. Aññattha dhuvapaññattaṃ. Idha vuttanayena santharitvā vā santharāpetvā vā abhinisīdati vā abhinipajjati vā, pācittiyameva. Ubhayatthāpi pañcame vuttanayena anāpucchā pakkameyya, pācittiyameva, anāpattivāre mātikāyaṃ vuttakālato aññakālassa aparāmaṭṭhattāti no takkoti ācariyo. Apica atthāpattikāle āpajjati, no vikāletiādittike, atthāpatti rattiṃ āpajjati, no divātiādittike ca aṭṭhakathāyaṃ idha pañcamachaṭṭhasattamasikkhāpadehi saṅgahitāpattīnaṃ aparāmaṭṭhattā yathāsambhavaṃ tividhakāle tividhametaṃ yojetvā dassetuṃ vaṭṭati eva mahāpadesanayānulomato.
ಸತ್ತಮಸಿಕ್ಖಾಪದವಣ್ಣನಾ ನಿಟ್ಠಿತಾ।
Sattamasikkhāpadavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಭಿಕ್ಖುನೀವಿಭಙ್ಗ • Bhikkhunīvibhaṅga / ೭. ಸತ್ತಮಸಿಕ್ಖಾಪದಂ • 7. Sattamasikkhāpadaṃ
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೧. ಪಠಮಾದಿಸಿಕ್ಖಾಪದವಣ್ಣನಾ • 1. Paṭhamādisikkhāpadavaṇṇanā
