| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੨. ਦ੍વਾਦਸਮવਗ੍ਗੋ
12. Dvādasamavaggo
(੧੨੫) ੧੦. ਸਤ੍ਤਮਭવਿਕਕਥਾ
(125) 10. Sattamabhavikakathā
੬੫੩. ਨ વਤ੍ਤਬ੍ਬਂ ‘‘ਸਤ੍ਤਮਭવਿਕਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀ’’ਤਿ? ਆਮਨ੍ਤਾ। ਸਤ੍ਤਮਭવਿਕੋ ਪੁਗ੍ਗਲੋ ਨਿਰਯਂ ਉਪਪਜ੍ਜੇਯ੍ਯ, ਤਿਰਚ੍ਛਾਨਯੋਨਿਂ ਉਪਪਜ੍ਜੇਯ੍ਯ, ਪੇਤ੍ਤਿવਿਸਯਂ ਉਪਪਜ੍ਜੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ। ਤੇਨ ਹਿ ਸਤ੍ਤਮਭવਿਕਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀਤਿ।
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
ਸਤ੍ਤਮਭવਿਕਕਥਾ ਨਿਟ੍ਠਿਤਾ।
Sattamabhavikakathā niṭṭhitā.
ਦ੍વਾਦਸਮવਗ੍ਗੋ।
Dvādasamavaggo.
ਤਸ੍ਸੁਦ੍ਦਾਨਂ –
Tassuddānaṃ –
ਸਂવਰੋ ਕਮ੍ਮਂ ਤਥੇવ ਅਸਂવਰੋ, ਸਬ੍ਬਕਮ੍ਮਂ ਸવਿਪਾਕਂ, ਸਦ੍ਦੋ વਿਪਾਕੋ, ਸਲ਼ਾਯਤਨਂ વਿਪਾਕੋ, ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋ, ਕੋਲਙ੍ਕੋਲਪੁਗ੍ਗਲੋ ਕੋਲਙ੍ਕੋਲਤਾਨਿਯਤੋ, ਏਕਬੀਜੀ ਪੁਗ੍ਗਲੋ ਏਕਬੀਜਿਤਾਨਿਯਤੋ, ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਞ੍ਚਿਚ੍ਚ ਪਾਣਂ ਜੀવਿਤਾ વੋਰੋਪੇਯ੍ਯ, ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਤਥੇવ ਸਤ੍ਤਮਭવਿਕਸ੍ਸਾਤਿ।
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੯. ਦੁਗ੍ਗਤਿਕਥਾવਣ੍ਣਨਾ • 9. Duggatikathāvaṇṇanā
