| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༢. དྭཱདསམཝགྒོ
12. Dvādasamavaggo
(༡༢༥) ༡༠. སཏྟམབྷཝིཀཀཐཱ
(125) 10. Sattamabhavikakathā
༦༥༣. ན ཝཏྟབྦཾ ‘‘སཏྟམབྷཝིཀསྶ པུགྒལསྶ པཧཱིནཱ དུགྒཏཱི’’ཏི? ཨཱམནྟཱ། སཏྟམབྷཝིཀོ པུགྒལོ ནིརཡཾ ཨུཔཔཛྫེཡྻ, ཏིརཙྪཱནཡོནིཾ ཨུཔཔཛྫེཡྻ, པེཏྟིཝིསཡཾ ཨུཔཔཛྫེཡྻཱཏི? ན ཧེཝཾ ཝཏྟབྦེ། ཏེན ཧི སཏྟམབྷཝིཀསྶ པུགྒལསྶ པཧཱིནཱ དུགྒཏཱིཏི།
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
སཏྟམབྷཝིཀཀཐཱ ནིཊྛིཏཱ།
Sattamabhavikakathā niṭṭhitā.
དྭཱདསམཝགྒོ།
Dvādasamavaggo.
ཏསྶུདྡཱནཾ –
Tassuddānaṃ –
སཾཝརོ ཀམྨཾ ཏཐེཝ ཨསཾཝརོ, སབྦཀམྨཾ སཝིཔཱཀཾ, སདྡོ ཝིཔཱཀོ, སལཱ༹ཡཏནཾ ཝིཔཱཀོ, སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོ, ཀོལངྐོལཔུགྒལོ ཀོལངྐོལཏཱནིཡཏོ, ཨེཀབཱིཛཱི པུགྒལོ ཨེཀབཱིཛིཏཱནིཡཏོ, དིཊྛིསམྤནྣོ པུགྒལོ སཉྩིཙྩ པཱཎཾ ཛཱིཝིཏཱ ཝོརོཔེཡྻ, དིཊྛིསམྤནྣསྶ པུགྒལསྶ པཧཱིནཱ དུགྒཏི, ཏཐེཝ སཏྟམབྷཝིཀསྶཱཏི།
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༩. དུགྒཏིཀཐཱཝཎྞནཱ • 9. Duggatikathāvaṇṇanā
