| Library / Tipiṭaka / တိပိဋက • Tipiṭaka / ကထာဝတ္ထုပာဠိ • Kathāvatthupāḷi |
၁၂. ဒ္ဝာဒသမဝဂ္ဂော
12. Dvādasamavaggo
(၁၂၅) ၁၀. သတ္တမဘဝိကကထာ
(125) 10. Sattamabhavikakathā
၆၅၃. န ဝတ္တဗ္ဗံ ‘‘သတ္တမဘဝိကသ္သ ပုဂ္ဂလသ္သ ပဟီနာ ဒုဂ္ဂတီ’’တိ? အာမန္တာ။ သတ္တမဘဝိကော ပုဂ္ဂလော နိရယံ ဥပပဇ္ဇေယ္ယ, တိရစ္ဆာနယောနိံ ဥပပဇ္ဇေယ္ယ, ပေတ္တိဝိသယံ ဥပပဇ္ဇေယ္ယာတိ? န ဟေဝံ ဝတ္တဗ္ဗေ။ တေန ဟိ သတ္တမဘဝိကသ္သ ပုဂ္ဂလသ္သ ပဟီနာ ဒုဂ္ဂတီတိ။
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
သတ္တမဘဝိကကထာ နိဋ္ဌိတာ။
Sattamabhavikakathā niṭṭhitā.
ဒ္ဝာဒသမဝဂ္ဂော။
Dvādasamavaggo.
တသ္သုဒ္ဒာနံ –
Tassuddānaṃ –
သံဝရော ကမ္မံ တထေဝ အသံဝရော, သဗ္ဗကမ္မံ သဝိပာကံ, သဒ္ဒော ဝိပာကော, သဠာယတနံ ဝိပာကော, သတ္တက္ခတ္တုပရမော ပုဂ္ဂလော သတ္တက္ခတ္တုပရမတာနိယတော, ကောလင္ကောလပုဂ္ဂလော ကောလင္ကောလတာနိယတော, ဧကဗီဇီ ပုဂ္ဂလော ဧကဗီဇိတာနိယတော, ဒိဋ္ဌိသမ္ပန္နော ပုဂ္ဂလော သဉ္စိစ္စ ပာဏံ ဇီဝိတာ ဝောရောပေယ္ယ, ဒိဋ္ဌိသမ္ပန္နသ္သ ပုဂ္ဂလသ္သ ပဟီနာ ဒုဂ္ဂတိ, တထေဝ သတ္တမဘဝိကသ္သာတိ။
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၉. ဒုဂ္ဂတိကထာဝဏ္ဏနာ • 9. Duggatikathāvaṇṇanā
