| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๒. ทฺวาทสมวโคฺค
12. Dvādasamavaggo
(๑๒๕) ๑๐. สตฺตมภวิกกถา
(125) 10. Sattamabhavikakathā
๖๕๓. น วตฺตพฺพํ ‘‘สตฺตมภวิกสฺส ปุคฺคลสฺส ปหีนา ทุคฺคตี’’ติ? อามนฺตาฯ สตฺตมภวิโก ปุคฺคโล นิรยํ อุปปเชฺชยฺย, ติรจฺฉานโยนิํ อุปปเชฺชยฺย, เปตฺติวิสยํ อุปปเชฺชยฺยาติ? น เหวํ วตฺตเพฺพฯ เตน หิ สตฺตมภวิกสฺส ปุคฺคลสฺส ปหีนา ทุคฺคตีติฯ
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
สตฺตมภวิกกถา นิฎฺฐิตาฯ
Sattamabhavikakathā niṭṭhitā.
ทฺวาทสมวโคฺคฯ
Dvādasamavaggo.
ตสฺสุทฺทานํ –
Tassuddānaṃ –
สํวโร กมฺมํ ตเถว อสํวโร, สพฺพกมฺมํ สวิปากํ, สโทฺท วิปาโก, สฬายตนํ วิปาโก, สตฺตกฺขตฺตุปรโม ปุคฺคโล สตฺตกฺขตฺตุปรมตานิยโต, โกลโงฺกลปุคฺคโล โกลโงฺกลตานิยโต, เอกพีชี ปุคฺคโล เอกพีชิตานิยโต, ทิฎฺฐิสมฺปโนฺน ปุคฺคโล สญฺจิจฺจ ปาณํ ชีวิตา โวโรเปยฺย, ทิฎฺฐิสมฺปนฺนสฺส ปุคฺคลสฺส ปหีนา ทุคฺคติ, ตเถว สตฺตมภวิกสฺสาติฯ
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. ทุคฺคติกถาวณฺณนา • 9. Duggatikathāvaṇṇanā
