| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
१२. द्वादसमवग्गो
12. Dvādasamavaggo
(१२५) १०. सत्तमभविककथा
(125) 10. Sattamabhavikakathā
६५३. न वत्तब्बं ‘‘सत्तमभविकस्स पुग्गलस्स पहीना दुग्गती’’ति? आमन्ता। सत्तमभविको पुग्गलो निरयं उपपज्जेय्य, तिरच्छानयोनिं उपपज्जेय्य, पेत्तिविसयं उपपज्जेय्याति? न हेवं वत्तब्बे। तेन हि सत्तमभविकस्स पुग्गलस्स पहीना दुग्गतीति।
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
सत्तमभविककथा निट्ठिता।
Sattamabhavikakathā niṭṭhitā.
द्वादसमवग्गो।
Dvādasamavaggo.
तस्सुद्दानं –
Tassuddānaṃ –
संवरो कम्मं तथेव असंवरो, सब्बकम्मं सविपाकं, सद्दो विपाको, सळायतनं विपाको, सत्तक्खत्तुपरमो पुग्गलो सत्तक्खत्तुपरमतानियतो, कोलङ्कोलपुग्गलो कोलङ्कोलतानियतो, एकबीजी पुग्गलो एकबीजितानियतो, दिट्ठिसम्पन्नो पुग्गलो सञ्चिच्च पाणं जीविता वोरोपेय्य, दिट्ठिसम्पन्नस्स पुग्गलस्स पहीना दुग्गति, तथेव सत्तमभविकस्साति।
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ९. दुग्गतिकथावण्णना • 9. Duggatikathāvaṇṇanā
