| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੫. ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ
5. Sattakkhattuparamakathāvaṇṇanā
੬੪੧-੬੪੫. ਅਸ੍ਸਾਤਿ ਇਮਸ੍ਸ ਸਤ੍ਤਕ੍ਖਤ੍ਤੁਪਰਮਸ੍ਸ। ਤੇਨਾਹ ‘‘ਸਤ੍ਤਕ੍ਖਤ੍ਤੁਪਰਮਭਾવੇ ਚ ਨਿਯਾਮਂ ਇਚ੍ਛਸੀ’’ਤਿ। ਯੇਨ ਆਨਨ੍ਤਰਿਯਕਮ੍ਮੇਨ। ਅਨ੍ਤਰਾਤਿ ਸਤ੍ਤ ਭવੇ ਅਨਿਬ੍ਬਤ੍ਤੇਤ੍વਾ ਤੇਸਂ ਅਨ੍ਤਰੇਯੇવ। ਕੇਚੀਤਿ ਅਭਯਗਿਰਿવਾਸਿਨੋ। ਅਪਰੇਤਿ ਪਦਕਾਰਾ। ਤਸ੍ਸਾਤਿ ਯੋ ਸਤ੍ਤਕ੍ਖਤ੍ਤੁਪਰਮੋਤਿ વਾ, ਕੋਲਂਕੋਲੋਤਿ વਾ, ਏਕਬੀਜੀਤਿ વਾ ਭਗવਤਾ ਞਾਣੇਨ ਪਰਿਚ੍ਛਿਨ੍ਦਿਤ੍વਾ ਬ੍ਯਾਕਤੋ, ਤਸ੍ਸ ਯਥਾવੁਤ੍ਤਪਰਿਚ੍ਛੇਦਾ ਅਨ੍ਤਰਾ ਉਪਰਿਮਗ੍ਗਾਧਿਗਮੋ ਨਤ੍ਥਿ ਅવਿਤਥਦੇਸਨਤ੍ਤਾ। ਯਥਾਪਰਿਚ੍ਛੇਦਮੇવ ਤਸ੍ਸ ਅਭਿਸਮਯੋ, ਸ੍વਾਯਂ વਿਭਾਗੋ ਤੇਸਂਯੇવ ਪੁਗ੍ਗਲਾਨਂ ਇਨ੍ਦ੍ਰਿਯਪਰੋਪਰਿਯਤ੍ਤੇਨ વੇਦਿਤਬ੍ਬੋ ਭવਨਿਯਾਮੇਨ ਤਾਦਿਸਸ੍ਸ ਕਸ੍ਸਚਿ ਅਭਾવਤੋ। ਯਸ੍ਮਾ ਕਸ੍ਸਚਿ ਮੁਦੁਕਾਨਿਪਿ ਇਨ੍ਦ੍ਰਿਯਾਨਿ ਪਚ੍ਚਯવਿਸੇਸੇਨ ਤਿਕ੍ਖਭਾવਂ ਆਪਜ੍ਜੇਯ੍ਯੁਂ, ਤਸ੍ਮਾ ਤਾਦਿਸਂ ਸਨ੍ਧਾਯ ‘‘ਭਬ੍ਬੋਤਿ વੁਚ੍ਚਤਿ, ਨ ਸੋ ਅਭਬ੍ਬੋ ਨਾਮਾ’’ਤਿ ਚ વੁਤ੍ਤਂ। ਯਸ੍ਮਾ ਪਨ ਭਗવਾ ਨ ਤਾਦਿਸਂ ‘‘ਸਤ੍ਤਕ੍ਖਤ੍ਤੁਪਰਮੋ’’ਤਿਆਦਿਨਾ ਨਿਯਮੇਤ੍વਾ ਬ੍ਯਾਕਰੋਤਿ, ਤਸ੍ਮਾ ਆਹ ‘‘ਨ ਪਨ ਅਨ੍ਤਰਾ ਅਭਿਸਮੇਤੁਂ ਭਬ੍ਬਤਾ વੁਤ੍ਤਾ’’ਤਿ। ਅਯਞ੍ਚ ਨਯੋ ਏਕਨ੍ਤੇਨ ਇਚ੍ਛਿਤਬ੍ਬੋ। ਅਞ੍ਞਥਾ ਪੁਗ੍ਗਲਸ੍ਸ ਸਙ੍ਕਰੋ ਸਿਯਾਤਿ ਦਸ੍ਸੇਨ੍ਤੋ ‘‘ਯਦਿ ਚਾ’’ਤਿਆਦਿਮਾਹ।
641-645. Assāti imassa sattakkhattuparamassa. Tenāha ‘‘sattakkhattuparamabhāve ca niyāmaṃ icchasī’’ti. Yena ānantariyakammena. Antarāti satta bhave anibbattetvā tesaṃ antareyeva. Kecīti abhayagirivāsino. Apareti padakārā. Tassāti yo sattakkhattuparamoti vā, kolaṃkoloti vā, ekabījīti vā bhagavatā ñāṇena paricchinditvā byākato, tassa yathāvuttaparicchedā antarā uparimaggādhigamo natthi avitathadesanattā. Yathāparicchedameva tassa abhisamayo, svāyaṃ vibhāgo tesaṃyeva puggalānaṃ indriyaparopariyattena veditabbo bhavaniyāmena tādisassa kassaci abhāvato. Yasmā kassaci mudukānipi indriyāni paccayavisesena tikkhabhāvaṃ āpajjeyyuṃ, tasmā tādisaṃ sandhāya ‘‘bhabboti vuccati, na so abhabbo nāmā’’ti ca vuttaṃ. Yasmā pana bhagavā na tādisaṃ ‘‘sattakkhattuparamo’’tiādinā niyametvā byākaroti, tasmā āha ‘‘na pana antarā abhisametuṃ bhabbatā vuttā’’ti. Ayañca nayo ekantena icchitabbo. Aññathā puggalassa saṅkaro siyāti dassento ‘‘yadi cā’’tiādimāha.
ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ ਨਿਟ੍ਠਿਤਾ।
Sattakkhattuparamakathāvaṇṇanā niṭṭhitā.
ਦ੍વਾਦਸਮવਗ੍ਗવਣ੍ਣਨਾ ਨਿਟ੍ਠਿਤਾ।
Dvādasamavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੨੦) ੫. ਸਤ੍ਤਕ੍ਖਤ੍ਤੁਪਰਮਕਥਾ • (120) 5. Sattakkhattuparamakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ • 5. Sattakkhattuparamakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ • 5. Sattakkhattuparamakathāvaṇṇanā
