| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੭. ਸਤ੍ਤਕਨਿਦ੍ਦੇਸવਣ੍ਣਨਾ
7. Sattakaniddesavaṇṇanā
੨੦੩. ਕੁਸਲੇਸੁ ਧਮ੍ਮੇਸੂਤਿ ਆਧਾਰੇ ਭੁਮ੍ਮਂ, ਨ વਿਸਯੇਤਿ ਦਸ੍ਸੇਨ੍ਤੋ ‘‘ਕੁਸਲੇਸੁ ਧਮ੍ਮੇਸੁ ਅਨ੍ਤੋਗਧਾ’’ਤਿ ਆਹ। ਇਦਾਨਿ વਿਸਯਲਕ੍ਖਣਂ ਏਤਂ ਭੁਮ੍ਮਨ੍ਤਿ ਦਸ੍ਸੇਨ੍ਤੋ ‘‘ਬੋਧਿਪਕ੍ਖਿਯਧਮ੍ਮੇਸੁ વਾ’’ਤਿਆਦਿਮਾਹ। ‘‘ਤਦੁਪਕਾਰਤਾਯਾ’’ਤਿ ਇਦਂ ਕੁਸਲੇਸੁ ਧਮ੍ਮੇਸੁ ਸਾਧੇਤਬ੍ਬੇਸੂਤਿ ਇਮਮਤ੍ਥਂ ਸਨ੍ਧਾਯ વੁਤ੍ਤਂ। ਉਮ੍ਮੁਜ੍ਜਨਪਞ੍ਞਾਯਾਤਿ ਉਮ੍ਮੁਜ੍ਜਾਪਨਪਞ੍ਞਾਯ, ਉਮ੍ਮੁਜ੍ਜਨਾਕਾਰੇਨ વਾ ਪવਤ੍ਤਪਞ੍ਞਾਯ। ਤੇਨੇવਾਤਿ ਉਮ੍ਮੁਜ੍ਜਨਮਤ੍ਤਤ੍ਤਾ ਏવ। ਯਥਾ ਹਿ ਞਾਣੁਪ੍ਪਾਦੋ ਸਂਕਿਲੇਸਪਕ੍ਖਤੋ ਉਮ੍ਮੁਜ੍ਜਨਂ, ਏવਂ ਸਦ੍ਧੁਪ੍ਪਾਦੋਪੀਤਿ ਆਹ ‘‘ਸਦ੍ਧਾਸਙ੍ਖਾਤਮੇવ ਉਮ੍ਮੁਜ੍ਜਨ’’ਨ੍ਤਿ। ਚਿਤ੍ਤવਾਰੋਤਿ ਚਿਤ੍ਤਪ੍ਪਬਨ੍ਧવਾਰੋ। ਪਚ੍ਚੇਕਂ ਠਾਨવਿਪਸ੍ਸਨਾਪਤਰਣਪਤਿਗਾਧਪ੍ਪਤ੍ਤਿਨਿਟ੍ਠਤ੍ਤਾ ਤੇਸਂ ਪੁਗ੍ਗਲਾਨਂ ‘‘ਅਨੇਕੇ ਪੁਗ੍ਗਲਾ’’ਤਿ વੁਤ੍ਤਂ। ਕਸ੍ਮਾ? ਤੇਨਤ੍ਤਭਾવੇਨ ਅਰਹਤ੍ਤਸ੍ਸ ਅਗ੍ਗਹਣਤੋ। ਤਤਿਯਪੁਗ੍ਗਲਾਦਿਭਾવਨ੍ਤਿ ਉਮ੍ਮੁਜ੍ਜਿਤ੍વਾ ਠਿਤਪੁਗ੍ਗਲਾਦਿਭਾવਂ।
203. Kusalesu dhammesūti ādhāre bhummaṃ, na visayeti dassento ‘‘kusalesu dhammesu antogadhā’’ti āha. Idāni visayalakkhaṇaṃ etaṃ bhummanti dassento ‘‘bodhipakkhiyadhammesu vā’’tiādimāha. ‘‘Tadupakāratāyā’’ti idaṃ kusalesu dhammesu sādhetabbesūti imamatthaṃ sandhāya vuttaṃ. Ummujjanapaññāyāti ummujjāpanapaññāya, ummujjanākārena vā pavattapaññāya. Tenevāti ummujjanamattattā eva. Yathā hi ñāṇuppādo saṃkilesapakkhato ummujjanaṃ, evaṃ saddhuppādopīti āha ‘‘saddhāsaṅkhātameva ummujjana’’nti. Cittavāroti cittappabandhavāro. Paccekaṃ ṭhānavipassanāpataraṇapatigādhappattiniṭṭhattā tesaṃ puggalānaṃ ‘‘aneke puggalā’’ti vuttaṃ. Kasmā? Tenattabhāvena arahattassa aggahaṇato. Tatiyapuggalādibhāvanti ummujjitvā ṭhitapuggalādibhāvaṃ.
ਸਤ੍ਤਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Sattakaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪੁਗ੍ਗਲਪਞ੍ਞਤ੍ਤਿਪਾਲ਼ਿ • Puggalapaññattipāḷi / ੭. ਸਤ੍ਤਕਪੁਗ੍ਗਲਪਞ੍ਞਤ੍ਤਿ • 7. Sattakapuggalapaññatti
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਸਤ੍ਤਕਨਿਦ੍ਦੇਸવਣ੍ਣਨਾ • 7. Sattakaniddesavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਸਤ੍ਤਕਨਿਦ੍ਦੇਸવਣ੍ਣਨਾ • 7. Sattakaniddesavaṇṇanā
