| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. сад̇д̇аганид̣̇д̣̇зсаван̣н̣анаа
7. Sattakaniddesavaṇṇanā
203. сад̇д̇агз – сагим̣ нимуг̇г̇од̇и згаваарам̣ нимуг̇г̇о. зганд̇агаал̣агзхийд̇и зганд̇знзва гаал̣агзхи над̇т̇игаваад̣̇аахзд̇угаваад̣̇аагирияаваад̣̇асан̇каад̇зхи нияад̇амижчаад̣̇идтид̇хаммзхи. звам̣ буг̇г̇алод̇и иминаа гааран̣зна буг̇г̇ало згаваарам̣ нимуг̇г̇о д̇ат̇аа нимуг̇г̇ова ход̇и. зд̇асса хи буна бхавад̇о вудтаанам̣ наама над̇т̇ийд̇и вад̣̇анд̇и. магкалиг̇осаалаад̣̇аяо вияа хздтаа нарагаг̇г̇ийнам̣язва аахааро ход̇и.
203. Sattake – sakiṃ nimuggoti ekavāraṃ nimuggo. Ekantakāḷakehīti ekanteneva kāḷakehi natthikavādaahetukavādaakiriyavādasaṅkhātehi niyatamicchādiṭṭhidhammehi. Evaṃ puggaloti iminā kāraṇena puggalo ekavāraṃ nimuggo tathā nimuggova hoti. Etassa hi puna bhavato vuṭṭhānaṃ nāma natthīti vadanti. Makkhaligosālādayo viya heṭṭhā narakaggīnaṃyeva āhāro hoti.
сааху сад̣̇д̇хаа гусалзсу д̇хаммзсууд̇и гусалад̇хаммзсу сад̣̇д̇хаа наама саад̇хулад̣̇д̇хигаад̇и уммуж̇ж̇ад̇и. со д̇аавад̇агзнзва гусалзна уммуж̇ж̇ад̇и наама. саад̇ху хирийд̇иаад̣̇ийсуби зсзва наяо. хааяад̇иязваад̇и жан̇гаваарз аасид̇д̇ауд̣̇агам̣ вияа зганд̇зна барихааяад̇зва. звам̣ буг̇г̇алод̇и звам̣ сааху сад̣̇д̇хаад̇и. имзсам̣ сад̣̇д̇хаад̣̇ийнам̣ васзна згаваарам̣ уммуж̇ж̇ид̇ваа д̇зсам̣ барихаанияаа буна нимуж̇ж̇ад̇иязва, д̣̇звад̣̇ад̇д̇аад̣̇аяо вияа. д̣̇звад̣̇ад̇д̇о хи адта самаабад̇д̇ияо, бан̃жа жа абхин̃н̃ааяо ниб̣б̣ад̇д̇зд̇вааби буна б̣уд̣̇д̇хаанам̣ бадиган̣дагад̇ааяа д̇зхи г̇ун̣зхи барихийно рухируббаад̣̇агаммам̣ сан̇гхабхзд̣̇агамман̃жа гад̇ваа гааяасса бхзд̣̇аа д̣̇уд̇ияажид̇д̇аваарзна нираяз ниб̣б̣ад̇д̇и. гогаалиго д̣̇вз аг̇г̇асаавагз убавад̣̇ид̇ваа бад̣̇уманираяз ниб̣б̣ад̇д̇о.
Sāhu saddhā kusalesu dhammesūti kusaladhammesu saddhā nāma sādhuladdhikāti ummujjati. So tāvatakeneva kusalena ummujjati nāma. Sādhu hirītiādīsupi eseva nayo. Hāyatiyevāti caṅkavāre āsittaudakaṃ viya ekantena parihāyateva. Evaṃ puggaloti evaṃ sāhu saddhāti. Imesaṃ saddhādīnaṃ vasena ekavāraṃ ummujjitvā tesaṃ parihāniyā puna nimujjatiyeva, devadattādayo viya. Devadatto hi aṭṭha samāpattiyo, pañca ca abhiññāyo nibbattetvāpi puna buddhānaṃ paṭikaṇṭakatāya tehi guṇehi parihīno ruhiruppādakammaṃ saṅghabhedakammañca katvā kāyassa bhedā dutiyacittavārena niraye nibbatti. Kokāliko dve aggasāvake upavaditvā padumaniraye nibbatto.
нзва хааяад̇и но вад̣дхад̇ийд̇и аббахонагагаалзби на хааяад̇и, бахонагагаалзби на вад̣дхад̇и. убхаяамби банзд̇ам̣ аг̇ааригзнаби анаг̇ааригзнаби д̣̇ийбзд̇аб̣б̣ам̣. згажжо хи аг̇аариго аббахонагагаалз багкигабхад̇д̇ам̣ ваа салаагабхад̇д̇ам̣ ваа вассааваасигам̣ ваа убаниб̣анд̇хаабзд̇и. со бажчаа бахонагагаалзби багкигабхад̇д̇аад̣̇имад̇д̇амзва бавад̇д̇зд̇и. анаг̇ааригоби аад̣̇имхи аббахонагагаалз уд̣̇д̣̇зсам̣ ваа д̇худ̇ан̇г̇ам̣ ваа г̇ан̣хаад̇и, мзд̇хааб̣алавийрияасамбад̇д̇ияаа бахонагагаалзби д̇ад̇о уд̇д̇арим̣ на гарод̇и. звам̣ буг̇г̇алод̇и звам̣ имааяа сад̣̇д̇хаад̣̇ийнам̣ тид̇ияаа буг̇г̇ало уммуж̇ж̇ид̇ваа тид̇о наама ход̇и.
Neva hāyati no vaḍḍhatīti appahonakakālepi na hāyati, pahonakakālepi na vaḍḍhati. Ubhayampi panetaṃ agārikenapi anagārikenapi dīpetabbaṃ. Ekacco hi agāriko appahonakakāle pakkhikabhattaṃ vā salākabhattaṃ vā vassāvāsikaṃ vā upanibandhāpeti. So pacchā pahonakakālepi pakkhikabhattādimattameva pavatteti. Anagārikopi ādimhi appahonakakāle uddesaṃ vā dhutaṅgaṃ vā gaṇhāti, medhābalavīriyasampattiyā pahonakakālepi tato uttariṃ na karoti. Evaṃ puggaloti evaṃ imāya saddhādīnaṃ ṭhitiyā puggalo ummujjitvā ṭhito nāma hoti.
уммуж̇ж̇ид̇ваа вибассад̇и вилогзд̇ийд̇и сод̇аабанно буг̇г̇ало удтахид̇ваа г̇аманамаг̇г̇ам̣ г̇анд̇аб̣б̣ам̣ д̣̇исам̣ ваа аалогзд̇и наама.
Ummujjitvā vipassati viloketīti sotāpanno puggalo uṭṭhahitvā gamanamaggaṃ gantabbaṃ disaṃ vā āloketi nāma.
уммуж̇ж̇ид̇ваа бад̇арад̇ийд̇и сагад̣̇ааг̇аамибуг̇г̇ало гилзсад̇ануд̇ааяа удтахид̇ваа г̇анд̇аб̣б̣ад̣̇исаабхимуко бад̇арад̇и наама.
Ummujjitvāpataratīti sakadāgāmipuggalo kilesatanutāya uṭṭhahitvā gantabbadisābhimukho patarati nāma.
бад̇иг̇аад̇хаббад̇д̇о ход̇ийд̇и анааг̇аамибуг̇г̇ало удтааяа вилогзд̇ваа бад̇арид̇ваа г̇анд̇ваа згасмим̣ таанз бад̇идтаабад̇д̇о наама ход̇и, д̇идтад̇и, на бунааг̇ажчад̇и.
Patigādhappatto hotīti anāgāmipuggalo uṭṭhāya viloketvā pataritvā gantvā ekasmiṃ ṭhāne patiṭṭhāpatto nāma hoti, tiṭṭhati, na punāgacchati.
д̇ин̣н̣о бааран̇г̇ад̇о т̇алз д̇идтад̇ийд̇и саб̣б̣агилзсогхам̣ д̇арид̇ваа барад̇ийрам̣ г̇анд̇ваа ниб̣б̣аанат̇алз тид̇о наама ход̇и. имз бана сад̇д̇а буг̇г̇алаа уд̣̇агобамзна д̣̇ийбид̇аа.
Tiṇṇo pāraṅgato thale tiṭṭhatīti sabbakilesoghaṃ taritvā paratīraṃ gantvā nibbānathale ṭhito nāma hoti. Ime pana satta puggalā udakopamena dīpitā.
сад̇д̇а гира ж̇ан̇гхаваан̣иж̇аа ад̣̇д̇хаанамаг̇г̇абадибаннаа анд̇араамаг̇г̇з згам̣ бун̣н̣анад̣̇им̣ баабун̣им̣су. д̇зсу батамам̣ од̇ин̣н̣о уд̣̇агабхийруго бурисо од̇ин̣н̣адтаанзязва нимуж̇ж̇ид̇ваа буна удтаад̇ум̣ наасагки, анд̇оязва мажчагажчабабхагко ж̇аад̇о. д̣̇уд̇ияо од̇ин̣н̣адтаанз нимуж̇ж̇ид̇ваа сагим̣ удтахид̇ваа буна нимуг̇г̇о удтаад̇ум̣ наасагки, анд̇оязва мажчагажчабабхагко ж̇аад̇о. д̇ад̇ияо нимуж̇ж̇ид̇ваа удтахи. со маж̇жхз над̣̇ияаа тад̇ваа нзва орад̇о ааг̇анд̇ум̣, на барад̇о г̇анд̇ум̣ асагки . жад̇уд̇т̇о удтааяа тид̇о уд̇д̇аран̣ад̇ид̇т̇ам̣ ологзси. бан̃жамо од̇аран̣ад̇ид̇т̇ам̣ ологзд̇ваа бад̇ари. чадто д̇арид̇ваа бааримад̇ийрам̣ г̇анд̇ваа гадиббамаан̣з уд̣̇агз тид̇о. сад̇д̇амо бааримад̇ийрам̣ г̇анд̇ваа г̇анд̇хажун̣н̣аад̣̇ийхи нхаад̇ваа варавад̇т̇аани ниваасзд̇ваа сурабхивилзбанам̣ вилимбид̇ваа нийлуббалаад̣̇ийни бил̣анд̇хид̇ваа наанаалан̇гаарабадиман̣д̣ид̇о махаанаг̇арам̣ бависид̇ваа баасаад̣̇аварамааруяха уд̇д̇амабхож̇анам̣ бхун̃ж̇и.
Satta kira jaṅghavāṇijā addhānamaggapaṭipannā antarāmagge ekaṃ puṇṇanadiṃ pāpuṇiṃsu. Tesu paṭhamaṃ otiṇṇo udakabhīruko puriso otiṇṇaṭṭhāneyeva nimujjitvā puna uṭṭhātuṃ nāsakkhi, antoyeva macchakacchapabhakkho jāto. Dutiyo otiṇṇaṭṭhāne nimujjitvā sakiṃ uṭṭhahitvā puna nimuggo uṭṭhātuṃ nāsakkhi, antoyeva macchakacchapabhakkho jāto. Tatiyo nimujjitvā uṭṭhahi. So majjhe nadiyā ṭhatvā neva orato āgantuṃ, na parato gantuṃ asakkhi . Catuttho uṭṭhāya ṭhito uttaraṇatitthaṃ olokesi. Pañcamo otaraṇatitthaṃ oloketvā patari. Chaṭṭho taritvā pārimatīraṃ gantvā kaṭippamāṇe udake ṭhito. Sattamo pārimatīraṃ gantvā gandhacuṇṇādīhi nhātvā varavatthāni nivāsetvā surabhivilepanaṃ vilimpitvā nīluppalādīni piḷandhitvā nānālaṅkārapaṭimaṇḍito mahānagaraṃ pavisitvā pāsādavaramāruyha uttamabhojanaṃ bhuñji.
д̇ад̇т̇а сад̇д̇а ж̇ан̇гхаваан̣иж̇аа вияа имз сад̇д̇а буг̇г̇алаа. над̣̇ий вияа ваддам̣. батамасса уд̣̇агабхийругасса бурисасса од̇ин̣н̣адтаанзязва нимуж̇ж̇анам̣ вияа мижчаад̣̇идтигасса ваддз нимуж̇ж̇анам̣. уммуж̇ж̇ид̇ваа нимуг̇г̇абурисо вияа сад̣̇д̇хаад̣̇ийнам̣ уббад̇д̇имад̇д̇агзна уммуж̇ж̇ид̇ваа д̇зсам̣ барихаанияаа нимуг̇г̇абуг̇г̇ало. маж̇жхз над̣̇ияаа тид̇о вияа сад̣̇д̇хаад̣̇ийнам̣ тид̇ияаа тид̇абуг̇г̇ало. уд̇д̇аран̣ад̇ид̇т̇ам̣ ологзнд̇о вияа г̇анд̇аб̣б̣амаг̇г̇ам̣ г̇анд̇аб̣б̣ад̣̇исам̣ ваа ологзнд̇о сод̇аабанно. бад̇арид̇абурисо вияа гилзсад̇ануд̇ааяа бад̇аранд̇о сагад̣̇ааг̇аамий. д̇арид̇ваа гадимад̇д̇з уд̣̇агз тид̇абурисо вияа анаавад̇д̇ид̇ад̇хаммад̇ааяа тид̇о анааг̇аамий. нхад̇ваа бааримад̇ийрам̣ уд̇д̇арид̇ваа т̇алз тид̇абурисо вияа жад̇д̇ааро огхз ад̇иггамид̇ваа ниб̣б̣аанат̇алз тид̇о кийн̣аасаваб̣раахман̣о. т̇алз тид̇абурисасса наг̇арам̣ бависид̇ваа баасаад̣̇аварам̣ ааруяха уд̇д̇амабхож̇анабхун̃ж̇анам̣ вияа кийн̣аасавасса ниб̣б̣аанаарамман̣ам̣ паласамаабад̇д̇им̣ аббзд̇ваа вийд̇инааманам̣ взд̣̇ид̇аб̣б̣ам̣. убхад̇обхааг̇авимуд̇д̇аад̣̇аяо хздтаа багаасид̇ааязваад̇и.
Tattha satta jaṅghavāṇijā viya ime satta puggalā. Nadī viya vaṭṭaṃ. Paṭhamassa udakabhīrukassa purisassa otiṇṇaṭṭhāneyeva nimujjanaṃ viya micchādiṭṭhikassa vaṭṭe nimujjanaṃ. Ummujjitvā nimuggapuriso viya saddhādīnaṃ uppattimattakena ummujjitvā tesaṃ parihāniyā nimuggapuggalo. Majjhe nadiyā ṭhito viya saddhādīnaṃ ṭhitiyā ṭhitapuggalo. Uttaraṇatitthaṃ olokento viya gantabbamaggaṃ gantabbadisaṃ vā olokento sotāpanno. Pataritapuriso viya kilesatanutāya pataranto sakadāgāmī. Taritvā kaṭimatte udake ṭhitapuriso viya anāvattitadhammatāya ṭhito anāgāmī. Nhatvā pārimatīraṃ uttaritvā thale ṭhitapuriso viya cattāro oghe atikkamitvā nibbānathale ṭhito khīṇāsavabrāhmaṇo. Thale ṭhitapurisassa nagaraṃ pavisitvā pāsādavaraṃ āruyha uttamabhojanabhuñjanaṃ viya khīṇāsavassa nibbānārammaṇaṃ phalasamāpattiṃ appetvā vītināmanaṃ veditabbaṃ. Ubhatobhāgavimuttādayo heṭṭhā pakāsitāyevāti.
сад̇д̇аганид̣̇д̣̇зсаван̣н̣анаа.
Sattakaniddesavaṇṇanā.
207. адтаганаваганид̣̇д̣̇зсааби хздтаа вуд̇д̇анаязнзва взд̣̇ид̇аб̣б̣аа.
207. Aṭṭhakanavakaniddesāpi heṭṭhā vuttanayeneva veditabbā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi
7. сад̇д̇агабуг̇г̇алабан̃н̃ад̇д̇и • 7. Sattakapuggalapaññatti
8. адтагабуг̇г̇алабан̃н̃ад̇д̇и • 8. Aṭṭhakapuggalapaññatti
9. навагабуг̇г̇алабан̃н̃ад̇д̇и • 9. Navakapuggalapaññatti
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. сад̇д̇аганид̣̇д̣̇зсаван̣н̣анаа • 7. Sattakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. сад̇д̇аганид̣̇д̣̇зсаван̣н̣анаа • 7. Sattakaniddesavaṇṇanā
