| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
7. ஸத்தகனித்³தே³ஸவண்ணனா
7. Sattakaniddesavaṇṇanā
203. குஸலேஸு த⁴ம்மேஸூதி ஆதா⁴ரே பு⁴ம்மங், ந விஸயேதி த³ஸ்ஸெந்தோ ‘‘குஸலேஸு த⁴ம்மேஸு அந்தோக³தா⁴’’தி ஆஹ. இதா³னி விஸயலக்க²ணங் ஏதங் பு⁴ம்மந்தி த³ஸ்ஸெந்தோ ‘‘போ³தி⁴பக்கி²யத⁴ம்மேஸு வா’’திஆதி³மாஹ. ‘‘தது³பகாரதாயா’’தி இத³ங் குஸலேஸு த⁴ம்மேஸு ஸாதே⁴தப்³பே³ஸூதி இமமத்த²ங் ஸந்தா⁴ய வுத்தங். உம்முஜ்ஜனபஞ்ஞாயாதி உம்முஜ்ஜாபனபஞ்ஞாய, உம்முஜ்ஜனாகாரேன வா பவத்தபஞ்ஞாய. தேனேவாதி உம்முஜ்ஜனமத்தத்தா ஏவ. யதா² ஹி ஞாணுப்பாதோ³ ஸங்கிலேஸபக்க²தோ உம்முஜ்ஜனங், ஏவங் ஸத்³து⁴ப்பாதோ³பீதி ஆஹ ‘‘ஸத்³தா⁴ஸங்கா²தமேவ உம்முஜ்ஜன’’ந்தி. சித்தவாரோதி சித்தப்பப³ந்த⁴வாரோ. பச்சேகங் டா²னவிபஸ்ஸனாபதரணபதிகா³த⁴ப்பத்தினிட்ட²த்தா தேஸங் புக்³க³லானங் ‘‘அனேகே புக்³க³லா’’தி வுத்தங். கஸ்மா? தேனத்தபா⁴வேன அரஹத்தஸ்ஸ அக்³க³ஹணதோ. ததியபுக்³க³லாதி³பா⁴வந்தி உம்முஜ்ஜித்வா டி²தபுக்³க³லாதி³பா⁴வங்.
203. Kusalesu dhammesūti ādhāre bhummaṃ, na visayeti dassento ‘‘kusalesu dhammesu antogadhā’’ti āha. Idāni visayalakkhaṇaṃ etaṃ bhummanti dassento ‘‘bodhipakkhiyadhammesu vā’’tiādimāha. ‘‘Tadupakāratāyā’’ti idaṃ kusalesu dhammesu sādhetabbesūti imamatthaṃ sandhāya vuttaṃ. Ummujjanapaññāyāti ummujjāpanapaññāya, ummujjanākārena vā pavattapaññāya. Tenevāti ummujjanamattattā eva. Yathā hi ñāṇuppādo saṃkilesapakkhato ummujjanaṃ, evaṃ saddhuppādopīti āha ‘‘saddhāsaṅkhātameva ummujjana’’nti. Cittavāroti cittappabandhavāro. Paccekaṃ ṭhānavipassanāpataraṇapatigādhappattiniṭṭhattā tesaṃ puggalānaṃ ‘‘aneke puggalā’’ti vuttaṃ. Kasmā? Tenattabhāvena arahattassa aggahaṇato. Tatiyapuggalādibhāvanti ummujjitvā ṭhitapuggalādibhāvaṃ.
ஸத்தகனித்³தே³ஸவண்ணனா நிட்டி²தா.
Sattakaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / புக்³க³லபஞ்ஞத்திபாளி • Puggalapaññattipāḷi / 7. ஸத்தகபுக்³க³லபஞ்ஞத்தி • 7. Sattakapuggalapaññatti
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 7. ஸத்தகனித்³தே³ஸவண்ணனா • 7. Sattakaniddesavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. ஸத்தகனித்³தே³ஸவண்ணனா • 7. Sattakaniddesavaṇṇanā
