| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā |
੪-੮. ਸਤ੍ਤਬੋਧਿਸਤ੍ਤવਾਰਾਦਿવਣ੍ਣਨਾ
4-8. Sattabodhisattavārādivaṇṇanā
੩੩-੩੭. ਸਤ੍ਤਨ੍ਨਂ ਬੋਧਿਸਤ੍ਤਾਨਂ ਸੁਤ੍ਤਨ੍ਤੇਸੁ ਏਕੇਕਸ੍ਮਿਂਯੇવ ਸਮੁਦਯੇ ਚਕ੍ਖਾਦਯੋ ਪਞ੍ਚ, ਨਿਰੋਧੇ ਪਞ੍ਚਾਤਿ ਦਸ ਧਮ੍ਮਾ, ਸਮੁਦਯੇ ਦਸ੍ਸਨਟ੍ਠਾਦਯੋ ਪਞ੍ਚ, ਨਿਰੋਧੇ ਪਞ੍ਚਾਤਿ ਦਸ ਅਤ੍ਥਾ, ਤੇਸਂ વਸੇਨ વੀਸਤਿ ਨਿਰੁਤ੍ਤਿਯੋ ਚਤ੍ਤਾਰੀਸਂ ਞਾਣਾਨਿ। ਸਤ੍ਤ ਏਕਤੋ ਕਤ੍વਾ વੁਤ੍ਤਗਣਨਾ ਸੁવਿਞ੍ਞੇਯ੍ਯਾ ਏવ। ਸਬ੍ਬਞ੍ਞੁਤਞ੍ਞਾਣવਸੇਨ વੁਤ੍ਤਪਟਿਸਮ੍ਭਿਦਾਨਿਦ੍ਦੇਸੇ ਏਕੇਕਮੂਲਕੇਸੁ ‘‘ਞਾਤੋ ਦਿਟ੍ਠੋ વਿਦਿਤੋ ਸਚ੍ਛਿਕਤੋ ਫਸ੍ਸਿਤੋ ਪਞ੍ਞਾਯਾ’’ਤਿ (ਪਟਿ॰ ਮ॰ ੧.੧੨੧) ਇਮੇਸੁ ਪਞ੍ਚਸੁ વਚਨੇਸੁ ਏਕੇਕਸ੍ਮਿਂਯੇવ ਚਕ੍ਖਾਦਯੋ ਪਞ੍ਚ, ਦਸ੍ਸਨਟ੍ਠਾਦਯੋ ਪਞ੍ਚਾਤਿ ਪਞ੍ਚਪਞ੍ਚਕਾਨਂ વਸੇਨ ਪਞ੍ਚવੀਸਤਿ ਧਮ੍ਮਾ, ਪਞ੍ਚવੀਸਤਿ ਅਤ੍ਥਾ, ਤਦ੍ਦਿਗੁਣਾ ਨਿਰੁਤ੍ਤਿਯੋ, ਤਦ੍ਦਿਗੁਣਾਨਿ ਞਾਣਾਨਿ ਞੇਯ੍ਯਾਨਿ। ਪਞ੍ਚ ਏਕਤੋ ਕਤ੍વਾ વੁਤ੍ਤવਾਰੇਪਿ ਪਞ੍ਚਕ੍ਖਤ੍ਤੁਂ ਪਞ੍ਚ ਪਞ੍ਚવੀਸਤਿ ਕਤ੍વਾ ਪਞ੍ਚવੀਸਸਤਂ ਧਮ੍ਮਾ, ਪਞ੍ਚવੀਸਸਤਂ ਅਤ੍ਥਾ, ਤਦ੍ਦਿਗੁਣਾ ਨਿਰੁਤ੍ਤਿਯੋ, ਤਦ੍ਦਿਗੁਣਾਨਿ ਞਾਣਾਨਿ ਞੇਯ੍ਯਾਨਿ। ਅਡ੍ਢਤੇਯ੍ਯਾਨੀਤਿ ਚੇਤ੍ਥ ਦ੍વੇ ਸਤਾਨਿ ਚ ਪਞ੍ਞਾਸਞ੍ਚ। ਖਨ੍ਧਾਦੀਸੁਪਿ ਏਸੇવ ਨਯੋ। ਇਮਿਨਾવ ਨਯੇਨ ਸਚ੍ਚવਾਰਪਟਿਸਮ੍ਭਿਦਾવਾਰੇ ਚ ਧਮ੍ਮਾਦਿਗਣਨਾ વੇਦਿਤਬ੍ਬਾ।
33-37. Sattannaṃ bodhisattānaṃ suttantesu ekekasmiṃyeva samudaye cakkhādayo pañca, nirodhe pañcāti dasa dhammā, samudaye dassanaṭṭhādayo pañca, nirodhe pañcāti dasa atthā, tesaṃ vasena vīsati niruttiyo cattārīsaṃ ñāṇāni. Satta ekato katvā vuttagaṇanā suviññeyyā eva. Sabbaññutaññāṇavasena vuttapaṭisambhidāniddese ekekamūlakesu ‘‘ñāto diṭṭho vidito sacchikato phassito paññāyā’’ti (paṭi. ma. 1.121) imesu pañcasu vacanesu ekekasmiṃyeva cakkhādayo pañca, dassanaṭṭhādayo pañcāti pañcapañcakānaṃ vasena pañcavīsati dhammā, pañcavīsati atthā, taddiguṇā niruttiyo, taddiguṇāni ñāṇāni ñeyyāni. Pañca ekato katvā vuttavārepi pañcakkhattuṃ pañca pañcavīsati katvā pañcavīsasataṃ dhammā, pañcavīsasataṃ atthā, taddiguṇā niruttiyo, taddiguṇāni ñāṇāni ñeyyāni. Aḍḍhateyyānīti cettha dve satāni ca paññāsañca. Khandhādīsupi eseva nayo. Imināva nayena saccavārapaṭisambhidāvāre ca dhammādigaṇanā veditabbā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi
੪. ਸਤ੍ਤਬੋਧਿਸਤ੍ਤવਾਰੋ • 4. Sattabodhisattavāro
੫. ਅਭਿਞ੍ਞਾਦਿવਾਰੋ • 5. Abhiññādivāro
੬. ਖਨ੍ਧਾਦਿવਾਰੋ • 6. Khandhādivāro
੭. ਸਚ੍ਚવਾਰੋ • 7. Saccavāro
੮. ਪਟਿਸਮ੍ਭਿਦਾવਾਰੋ • 8. Paṭisambhidāvāro
