| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༦. སཏཔཏྟངྒཔཉྷོ
6. Satapattaṅgapañho
༦. ‘‘བྷནྟེ ནཱགསེན, ‘སཏཔཏྟསྶ ཨེཀཾ ཨངྒཾ གཧེཏབྦ’ནྟི ཡཾ ཝདེསི, ཀཏམཾ ཏཾ ཨེཀཾ ཨངྒཾ གཧེཏབྦ’’ནྟི? ‘‘ཡཐཱ, མཧཱརཱཛ, སཏཔཏྟོ རཝིཏྭཱ པརེསཾ ཁེམཾ ཝཱ བྷཡཾ ཝཱ ཨཱཙིཀྑཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན པརེསཾ དྷམྨཾ དེསཡམཱནེན ཝིནིཔཱཏཾ བྷཡཏོ དསྶཡིཏབྦཾ, ནིབྦཱནཾ ཁེམཏོ དསྶཡིཏབྦཾ། ཨིདཾ, མཧཱརཱཛ, སཏཔཏྟསྶ ཨེཀཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, ཐེརེན པིཎྜོལབྷཱརདྭཱཛེན –
6. ‘‘Bhante nāgasena, ‘satapattassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, satapatto ravitvā paresaṃ khemaṃ vā bhayaṃ vā ācikkhati, evameva kho, mahārāja, yoginā yogāvacarena paresaṃ dhammaṃ desayamānena vinipātaṃ bhayato dassayitabbaṃ, nibbānaṃ khemato dassayitabbaṃ. Idaṃ, mahārāja, satapattassa ekaṃ aṅgaṃ gahetabbaṃ. Bhāsitampetaṃ, mahārāja, therena piṇḍolabhāradvājena –
‘‘‘ནིརཡེ བྷཡསནྟཱསཾ, ནིབྦཱནེ ཝིཔུལཾ སུཁཾ།
‘‘‘Niraye bhayasantāsaṃ, nibbāne vipulaṃ sukhaṃ;
ཨུབྷཡཱནེཏཱནཏྠཱནི དསྶེཏབྦཱནི ཡོགིནཱ’’’ཏི༎
Ubhayānetānatthāni dassetabbāni yoginā’’’ti.
སཏཔཏྟངྒཔཉྷོ ཚཊྛོ།
Satapattaṅgapañho chaṭṭho.
