| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
55. саад̇ажжамуулагасаббааяагаарийсуд̇д̇ам̣
55. Sātaccamūlakasappāyakārīsuttaṃ
716. саавад̇т̇инид̣̇аанам̣. ‘‘жад̇ааромз, бхигкавз, жхааяий. гад̇амз жад̇д̇ааро? ид̇ха, бхигкавз , згажжо жхааяий самаад̇хисмим̣ саад̇ажжагаарий ход̇и, на самаад̇хисмим̣ саббааяагаарий. ид̇ха бана, бхигкавз, згажжо жхааяий самаад̇хисмим̣ саббааяагаарий ход̇и, на самаад̇хисмим̣ саад̇ажжагаарий. ид̇ха бана, бхигкавз, згажжо жхааяий нзва самаад̇хисмим̣ саад̇ажжагаарий ход̇и, на жа самаад̇хисмим̣ саббааяагаарий. ид̇ха бана, бхигкавз, згажжо жхааяий самаад̇хисмим̣ саад̇ажжагаарий жа ход̇и, самаад̇хисмим̣ саббааяагаарий жа. д̇ад̇ра, бхигкавз, явааяам̣ жхааяий самаад̇хисмим̣ саад̇ажжагаарий жа ход̇и самаад̇хисмим̣ саббааяагаарий жа аяам̣ имзсам̣ жад̇уннам̣ жхааяийнам̣ аг̇г̇о жа сздто жа могко жа уд̇д̇амо жа баваро жа. сзяяат̇ааби, бхигкавз, г̇аваа кийрам̣, кийрамхаа д̣̇ад̇хи, д̣̇ад̇химхаа наванийд̇ам̣, наванийд̇амхаа сабби, саббимхаа саббиман̣д̣о д̇ад̇ра аг̇г̇амагкааяад̇и; звамзва ко, бхигкавз, явааяам̣ жхааяий самаад̇хисмим̣ саад̇ажжагаарий жа ход̇и, самаад̇хисмим̣ саббааяагаарий аяам̣ имзсам̣ жад̇уннам̣ жхааяийнам̣ аг̇г̇о жа сздто жа могко жа уд̇д̇амо жа баваро жаа’’д̇и. ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и. бан̃жабан̃н̃аасамам̣. (яат̇аа бан̃жабан̃н̃аасам̣ взяяаагаран̣аани хонд̇и д̇ат̇аа вид̇т̇аарзд̇аб̣б̣аани.)
716. Sāvatthinidānaṃ. ‘‘Catārome, bhikkhave, jhāyī. Katame cattāro? Idha, bhikkhave , ekacco jhāyī samādhismiṃ sātaccakārī hoti, na samādhismiṃ sappāyakārī. Idha pana, bhikkhave, ekacco jhāyī samādhismiṃ sappāyakārī hoti, na samādhismiṃ sātaccakārī. Idha pana, bhikkhave, ekacco jhāyī neva samādhismiṃ sātaccakārī hoti, na ca samādhismiṃ sappāyakārī. Idha pana, bhikkhave, ekacco jhāyī samādhismiṃ sātaccakārī ca hoti, samādhismiṃ sappāyakārī ca. Tatra, bhikkhave, yvāyaṃ jhāyī samādhismiṃ sātaccakārī ca hoti samādhismiṃ sappāyakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo tatra aggamakkhāyati; evameva kho, bhikkhave, yvāyaṃ jhāyī samādhismiṃ sātaccakārī ca hoti, samādhismiṃ sappāyakārī ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro cā’’ti. Idamavoca bhagavā. Attamanā te bhikkhū bhagavato bhāsitaṃ abhinandunti. Pañcapaññāsamaṃ. (Yathā pañcapaññāsaṃ veyyākaraṇāni honti tathā vitthāretabbāni.)
д̇ассуд̣̇д̣̇аанам̣ –
Tassuddānaṃ –
самаад̇хи самаабад̇д̇и тид̇и жа, вудтаанам̣ галлид̇аарамман̣зна жа;
Samādhi samāpatti ṭhiti ca, vuṭṭhānaṃ kallitārammaṇena ca;
г̇ожараа абхинийхааро саггажжа, саад̇ажжа ат̇оби саббааяанд̇и.
Gocarā abhinīhāro sakkacca, sātacca athopi sappāyanti.
канд̇хаваг̇г̇о д̇ад̇ияо.
Khandhavaggo tatiyo.
д̇ассуд̣̇д̣̇аанам̣ –
Tassuddānaṃ –
канд̇ха раад̇хасам̣яуд̇д̇ан̃жа, д̣̇идтиогганд̇а 3 уббаад̣̇аа;
Khandha rādhasaṃyuttañca, diṭṭhiokkanta 4 uppādā;
гилзса саарибуд̇д̇аа жа, нааг̇аа субан̣н̣а г̇анд̇хаб̣б̣аа;
Kilesa sāriputtā ca, nāgā supaṇṇa gandhabbā;
валааха важчажхаананд̇и , канд̇хаваг̇г̇амхи д̇зрасаад̇и.
Valāha vacchajhānanti , khandhavaggamhi terasāti.
канд̇хаваг̇г̇асам̣яуд̇д̇абаал̣и нидтид̇аа.
Khandhavaggasaṃyuttapāḷi niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-55. самаад̇химуулагатид̇исуд̇д̇аад̣̇иван̣н̣анаа • 2-55. Samādhimūlakaṭhitisuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-55. самаад̇химуулагатид̇исуд̇д̇аад̣̇иван̣н̣анаа • 2-55. Samādhimūlakaṭhitisuttādivaṇṇanā
