| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൯. സസങ്ഖാരസുത്തവണ്ണനാ
9. Sasaṅkhārasuttavaṇṇanā
൧൬൯. നവമേ പഠമദുതിയപുഗ്ഗലാ സുക്ഖവിപസ്സകാ സസങ്ഖാരേന സപ്പയോഗേന സങ്ഖാരനിമിത്തം ഉപട്ഠപേന്തി. തേസു ഏകോ വിപസ്സനിന്ദ്രിയാനം ബലവത്താ ഇധേവ കിലേസപരിനിബ്ബാനേന പരിനിബ്ബായതി, ഏകോ ഇന്ദ്രിയാനം ദുബ്ബലതായ ഇധ അസക്കോന്തോ അനന്തരേ അത്തഭാവേ തദേവ മൂലകമ്മട്ഠാനം പടിലഭിത്വാ സസങ്ഖാരേന സപ്പയോഗേന സങ്ഖാരനിമിത്തം ഉപട്ഠപേത്വാ കിലേസപരിനിബ്ബാനേന പരിനിബ്ബായതി, തതിയചതുത്ഥാ സമഥയാനികാ. തേസം ഏകോ അസങ്ഖാരേന അപ്പയോഗേന ഇന്ദ്രിയാനം ബലവത്താ ഇധേവ കിലേസേ ഖേപേതി, ഏകോ ഇന്ദ്രിയാനം ദുബ്ബലത്താ ഇധ അസക്കോന്തോ അനന്തരേ അത്തഭാവേ തദേവ മൂലകമ്മട്ഠാനം പടിലഭിത്വാ അസങ്ഖാരേന അപ്പയോഗേന കിലേസേ ഖേപേതീതി വേദിതബ്ബോ.
169. Navame paṭhamadutiyapuggalā sukkhavipassakā sasaṅkhārena sappayogena saṅkhāranimittaṃ upaṭṭhapenti. Tesu eko vipassanindriyānaṃ balavattā idheva kilesaparinibbānena parinibbāyati, eko indriyānaṃ dubbalatāya idha asakkonto anantare attabhāve tadeva mūlakammaṭṭhānaṃ paṭilabhitvā sasaṅkhārena sappayogena saṅkhāranimittaṃ upaṭṭhapetvā kilesaparinibbānena parinibbāyati, tatiyacatutthā samathayānikā. Tesaṃ eko asaṅkhārena appayogena indriyānaṃ balavattā idheva kilese khepeti, eko indriyānaṃ dubbalattā idha asakkonto anantare attabhāve tadeva mūlakammaṭṭhānaṃ paṭilabhitvā asaṅkhārena appayogena kilese khepetīti veditabbo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൯. സസങ്ഖാരസുത്തം • 9. Sasaṅkhārasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൯. സസങ്ഖാരസുത്തവണ്ണനാ • 9. Sasaṅkhārasuttavaṇṇanā
