| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៩. សសង្ខារសុត្តវណ្ណនា
9. Sasaṅkhārasuttavaṇṇanā
១៦៩. នវមេ បឋមទុតិយបុគ្គលា សុក្ខវិបស្សកា សសង្ខារេន សប្បយោគេន សង្ខារនិមិត្តំ ឧបដ្ឋបេន្តិ។ តេសុ ឯកោ វិបស្សនិន្ទ្រិយានំ ពលវត្តា ឥធេវ កិលេសបរិនិព្ពានេន បរិនិព្ពាយតិ, ឯកោ ឥន្ទ្រិយានំ ទុព្ពលតាយ ឥធ អសក្កោន្តោ អនន្តរេ អត្តភាវេ តទេវ មូលកម្មដ្ឋានំ បដិលភិត្វា សសង្ខារេន សប្បយោគេន សង្ខារនិមិត្តំ ឧបដ្ឋបេត្វា កិលេសបរិនិព្ពានេន បរិនិព្ពាយតិ, តតិយចតុត្ថា សមថយានិកា។ តេសំ ឯកោ អសង្ខារេន អប្បយោគេន ឥន្ទ្រិយានំ ពលវត្តា ឥធេវ កិលេសេ ខេបេតិ, ឯកោ ឥន្ទ្រិយានំ ទុព្ពលត្តា ឥធ អសក្កោន្តោ អនន្តរេ អត្តភាវេ តទេវ មូលកម្មដ្ឋានំ បដិលភិត្វា អសង្ខារេន អប្បយោគេន កិលេសេ ខេបេតីតិ វេទិតព្ពោ។
169. Navame paṭhamadutiyapuggalā sukkhavipassakā sasaṅkhārena sappayogena saṅkhāranimittaṃ upaṭṭhapenti. Tesu eko vipassanindriyānaṃ balavattā idheva kilesaparinibbānena parinibbāyati, eko indriyānaṃ dubbalatāya idha asakkonto anantare attabhāve tadeva mūlakammaṭṭhānaṃ paṭilabhitvā sasaṅkhārena sappayogena saṅkhāranimittaṃ upaṭṭhapetvā kilesaparinibbānena parinibbāyati, tatiyacatutthā samathayānikā. Tesaṃ eko asaṅkhārena appayogena indriyānaṃ balavattā idheva kilese khepeti, eko indriyānaṃ dubbalattā idha asakkonto anantare attabhāve tadeva mūlakammaṭṭhānaṃ paṭilabhitvā asaṅkhārena appayogena kilese khepetīti veditabbo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៩. សសង្ខារសុត្តំ • 9. Sasaṅkhārasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៩. សសង្ខារសុត្តវណ្ណនា • 9. Sasaṅkhārasuttavaṇṇanā
