| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨੧. ਏਕવੀਸਤਿਮવਗ੍ਗੋ
21. Ekavīsatimavaggo
੧. ਸਾਸਨਕਥਾવਣ੍ਣਨਾ
1. Sāsanakathāvaṇṇanā
੮੭੮. ਇਦਾਨਿ ਸਾਸਨਕਥਾ ਨਾਮ ਹੋਤਿ। ਤਤ੍ਥ ਤਿਸ੍ਸੋ ਸਙ੍ਗੀਤਿਯੋ ਸਨ੍ਧਾਯ ‘‘ਸਾਸਨਂ ਨવਂ ਕਤ’’ਨ੍ਤਿ ਚ ‘‘ਅਤ੍ਥਿ ਕੋਚਿ ਤਥਾਗਤਸ੍ਸ ਸਾਸਨਂ ਨવਂ ਕਰੋਤੀ’’ਤਿ ਚ ‘‘ਲਬ੍ਭਾ ਤਥਾਗਤਸ੍ਸ ਸਾਸਨਂ ਨવਂ ਕਾਤੁ’’ਨ੍ਤਿ ਚ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਏਕਚ੍ਚਾਨਂ ਉਤ੍ਤਰਾਪਥਕਾਨਂ; ਤੇ ਸਨ੍ਧਾਯ ਤੀਸੁਪਿ ਕਥਾਸੁ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਸਤਿਪਟ੍ਠਾਨਾਤਿਆਦਿ ਸਾਸਨਂ ਨਾਮ ਸਤਿਪਟ੍ਠਾਨਾਦਯੋ ਚੇવ ਅਰਿਯਧਮ੍ਮਾ, ਕੁਸਲਾਦੀਨਞ੍ਚ ਦੇਸਨਾ। ਤਤ੍ਥ ਯੇਸਂ ਭਗવਤਾ ਦੇਸਿਤਾ ਸਤਿਪਟ੍ਠਾਨਾਦਯੋ, ਠਪੇਤ੍વਾ ਤੇ ਅਞ੍ਞੇਸਂ વਾ ਸਤਿਪਟ੍ਠਾਨਾਦੀਨਂ ਕਰਣੇਨ ਅਕੁਸਲਾਦੀਨਂ વਾ ਕੁਸਲਾਦਿਭਾવਕਰਣੇਨ ਸਾਸਨਂ ਨવਂਕਤਂ ਨਾਮ ਭવੇਯ੍ਯ, ਕਿਂ ਤਂ ਏવਂ ਕਤਂ ਕੇਨਚਿ, ਅਤ੍ਥਿ વਾ ਕੋਚਿ ਏવਂ ਕਰੋਤਿ, ਲਬ੍ਭਾ વਾ ਏવਂ ਕਾਤੁਨ੍ਤਿ ਤੀਸੁਪਿ ਪੁਚ੍ਛਾਸੁ ਚੋਦਨਤ੍ਥਂ વੁਤ੍ਤਂ। ਸੇਸਂ ਸਬ੍ਬਤ੍ਥ ਯਥਾਪਾਲ਼ਿਮੇવ ਨਿਯ੍ਯਾਤੀਤਿ।
878. Idāni sāsanakathā nāma hoti. Tattha tisso saṅgītiyo sandhāya ‘‘sāsanaṃ navaṃ kata’’nti ca ‘‘atthi koci tathāgatassa sāsanaṃ navaṃ karotī’’ti ca ‘‘labbhā tathāgatassa sāsanaṃ navaṃ kātu’’nti ca yesaṃ laddhi, seyyathāpi ekaccānaṃ uttarāpathakānaṃ; te sandhāya tīsupi kathāsu pucchā sakavādissa, paṭiññā itarassa. Satipaṭṭhānātiādi sāsanaṃ nāma satipaṭṭhānādayo ceva ariyadhammā, kusalādīnañca desanā. Tattha yesaṃ bhagavatā desitā satipaṭṭhānādayo, ṭhapetvā te aññesaṃ vā satipaṭṭhānādīnaṃ karaṇena akusalādīnaṃ vā kusalādibhāvakaraṇena sāsanaṃ navaṃkataṃ nāma bhaveyya, kiṃ taṃ evaṃ kataṃ kenaci, atthi vā koci evaṃ karoti, labbhā vā evaṃ kātunti tīsupi pucchāsu codanatthaṃ vuttaṃ. Sesaṃ sabbattha yathāpāḷimeva niyyātīti.
ਸਾਸਨਕਥਾવਣ੍ਣਨਾ।
Sāsanakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੦੦) ੧. ਸਾਸਨਕਥਾ • (200) 1. Sāsanakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਸਾਸਨਕਥਾવਣ੍ਣਨਾ • 1. Sāsanakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਸਾਸਨਕਥਾવਣ੍ਣਨਾ • 1. Sāsanakathāvaṇṇanā
