| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
២១. ឯកវីសតិមវគ្គោ
21. Ekavīsatimavaggo
១. សាសនកថាវណ្ណនា
1. Sāsanakathāvaṇṇanā
៨៧៨. ឥទានិ សាសនកថា នាម ហោតិ។ តត្ថ តិស្សោ សង្គីតិយោ សន្ធាយ ‘‘សាសនំ នវំ កត’’ន្តិ ច ‘‘អត្ថិ កោចិ តថាគតស្ស សាសនំ នវំ ករោតី’’តិ ច ‘‘លព្ភា តថាគតស្ស សាសនំ នវំ កាតុ’’ន្តិ ច យេសំ លទ្ធិ, សេយ្យថាបិ ឯកច្ចានំ ឧត្តរាបថកានំ; តេ សន្ធាយ តីសុបិ កថាសុ បុច្ឆា សកវាទិស្ស, បដិញ្ញា ឥតរស្ស។ សតិបដ្ឋានាតិអាទិ សាសនំ នាម សតិបដ្ឋានាទយោ ចេវ អរិយធម្មា, កុសលាទីនញ្ច ទេសនា។ តត្ថ យេសំ ភគវតា ទេសិតា សតិបដ្ឋានាទយោ, ឋបេត្វា តេ អញ្ញេសំ វា សតិបដ្ឋានាទីនំ ករណេន អកុសលាទីនំ វា កុសលាទិភាវករណេន សាសនំ នវំកតំ នាម ភវេយ្យ, កិំ តំ ឯវំ កតំ កេនចិ, អត្ថិ វា កោចិ ឯវំ ករោតិ, លព្ភា វា ឯវំ កាតុន្តិ តីសុបិ បុច្ឆាសុ ចោទនត្ថំ វុត្តំ។ សេសំ សព្ពត្ថ យថាបាឡិមេវ និយ្យាតីតិ។
878. Idāni sāsanakathā nāma hoti. Tattha tisso saṅgītiyo sandhāya ‘‘sāsanaṃ navaṃ kata’’nti ca ‘‘atthi koci tathāgatassa sāsanaṃ navaṃ karotī’’ti ca ‘‘labbhā tathāgatassa sāsanaṃ navaṃ kātu’’nti ca yesaṃ laddhi, seyyathāpi ekaccānaṃ uttarāpathakānaṃ; te sandhāya tīsupi kathāsu pucchā sakavādissa, paṭiññā itarassa. Satipaṭṭhānātiādi sāsanaṃ nāma satipaṭṭhānādayo ceva ariyadhammā, kusalādīnañca desanā. Tattha yesaṃ bhagavatā desitā satipaṭṭhānādayo, ṭhapetvā te aññesaṃ vā satipaṭṭhānādīnaṃ karaṇena akusalādīnaṃ vā kusalādibhāvakaraṇena sāsanaṃ navaṃkataṃ nāma bhaveyya, kiṃ taṃ evaṃ kataṃ kenaci, atthi vā koci evaṃ karoti, labbhā vā evaṃ kātunti tīsupi pucchāsu codanatthaṃ vuttaṃ. Sesaṃ sabbattha yathāpāḷimeva niyyātīti.
សាសនកថាវណ្ណនា។
Sāsanakathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (២០០) ១. សាសនកថា • (200) 1. Sāsanakathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១. សាសនកថាវណ្ណនា • 1. Sāsanakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១. សាសនកថាវណ្ណនា • 1. Sāsanakathāvaṇṇanā
