| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៣. សារិបុត្តសុត្តវណ្ណនា
3. Sāriputtasuttavaṇṇanā
៣. សាវកពោធិ សាវកបារមិយោ, តប្បរិយាបន្នំ ញាណំ សាវកបារមិញាណំ, តំ បន ទ្វិន្នំ អគ្គសាវកានំ តត្ថបិ ធម្មសេនាបតិនោ ឯវ សវិសេសំ មត្ថកំ បត្តំ, ន ឥតរេសន្តិ អាហ – ‘‘សាវក…បេ.… អប្បត្តតាយា’’តិ។ តស្មា តស្ស មត្ថកប្បត្តិយា មគ្គព្រហ្មចរិយេ ឥជ្ឈន្តេ តស្ស ឯកទេសោ ឥធ ឥជ្ឈតិ, ន សកលន្តិ។ ន ហិ អទ្ធព្រហ្មចរិយំ នាម អត្ថិ, តស្មា វុត្តំ, ‘‘សកលម្បិ …បេ.… លព្ភតី’’តិ, តំ បន ភណ្ឌាគារិកោ នាញ្ញាសិ ញាណស្ស សាវកវិសយេបិ សប្បទេសិកត្តា, ធម្មសេនាបតិ បន ញាណស្ស តត្ថ និប្បទេសិកត្តា អញ្ញាសីតិ។ តេនាហ – ‘‘អានន្ទត្ថេរោ…បេ.… អញ្ញាសី’’តិ។ ឯវមាហាតិ ‘‘សកលមិទំ, ភន្តេ’’តិ ឯវំ អវោច។
3. Sāvakabodhi sāvakapāramiyo, tappariyāpannaṃ ñāṇaṃ sāvakapāramiñāṇaṃ, taṃ pana dvinnaṃ aggasāvakānaṃ tatthapi dhammasenāpatino eva savisesaṃ matthakaṃ pattaṃ, na itaresanti āha – ‘‘sāvaka…pe… appattatāyā’’ti. Tasmā tassa matthakappattiyā maggabrahmacariye ijjhante tassa ekadeso idha ijjhati, na sakalanti. Na hi addhabrahmacariyaṃ nāma atthi, tasmā vuttaṃ, ‘‘sakalampi…pe… labbhatī’’ti, taṃ pana bhaṇḍāgāriko nāññāsi ñāṇassa sāvakavisayepi sappadesikattā, dhammasenāpati pana ñāṇassa tattha nippadesikattā aññāsīti. Tenāha – ‘‘ānandatthero…pe… aññāsī’’ti. Evamāhāti ‘‘sakalamidaṃ, bhante’’ti evaṃ avoca.
សារិបុត្តសុត្តវណ្ណនា និដ្ឋិតា។
Sāriputtasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. សារិបុត្តសុត្តំ • 3. Sāriputtasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៣. សារិបុត្តសុត្តវណ្ណនា • 3. Sāriputtasuttavaṇṇanā
