| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೭. ಸರಸುತ್ತವಣ್ಣನಾ
7. Sarasuttavaṇṇanā
೨೭. ಸರಣತೋ ಅವಿಚ್ಛೇದವಸೇನ ಪವತ್ತನತೋ ಖನ್ಧಾದೀನಂ ಪಟಿಪಾಟಿ ಸರಾ। ತೇನಾಹ ‘‘ಇಮೇ ಸಂಸಾರಸರಾ’’ತಿ। ಕುತೋತಿ ಕೇನ ಕಾರಣೇನ, ಕಿಮ್ಹಿ ವಾ? ತೇನಾಹ ‘‘ಕಿಂ ಆಗಮ್ಮಾ’’ತಿ? ನ ಪತಿಟ್ಠಾತಿ ಪಚ್ಚಯಾಭಾವತೋ। ಆಪೋತಿಆದಿನಾ ಪಾಳಿಯಂ ಚತುನ್ನಂ ಮಹಾಭೂತಾನಂ ಅಪ್ಪತಿಟ್ಠಾನಾಪದೇಸೇನ ತತ್ಥ ಕಾಮರೂಪಭವಾನಂ ಅಭಾವೋ ದಸ್ಸಿತೋ। ತದುಭಯಾಭಾವದಸ್ಸನೇನ ಹೇಟ್ಠಾ ವುತ್ತನಯೇನೇವ ಅರೂಪಭವಸ್ಸಪಿ ಅಭಾವೋ ದಸ್ಸಿತೋವ ಹೋತಿ, ಯಥಾರುತವಸೇನ ವಾ ಏತ್ಥ ಅತ್ಥೋ ವೇದಿತಬ್ಬೋ। ಯಸ್ಮಾ ಪುರಿಮಾ ದ್ವೇ ಗಹಿತಾ, ಗಹಿತಞ್ಚ ಅತ್ಥಂ ಪರಿಗ್ಗಹೇತ್ವಾವ ಪಚ್ಛಿಮತ್ಥೋ ಪವತ್ತೋತಿ।
27. Saraṇato avicchedavasena pavattanato khandhādīnaṃ paṭipāṭi sarā. Tenāha ‘‘ime saṃsārasarā’’ti. Kutoti kena kāraṇena, kimhi vā? Tenāha ‘‘kiṃ āgammā’’ti? Na patiṭṭhāti paccayābhāvato. Āpotiādinā pāḷiyaṃ catunnaṃ mahābhūtānaṃ appatiṭṭhānāpadesena tattha kāmarūpabhavānaṃ abhāvo dassito. Tadubhayābhāvadassanena heṭṭhā vuttanayeneva arūpabhavassapi abhāvo dassitova hoti, yathārutavasena vā ettha attho veditabbo. Yasmā purimā dve gahitā, gahitañca atthaṃ pariggahetvāva pacchimattho pavattoti.
ಸರಸುತ್ತವಣ್ಣನಾ ನಿಟ್ಠಿತಾ।
Sarasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೭. ಸರಸುತ್ತಂ • 7. Sarasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೭. ಸರಸುತ್ತವಣ್ಣನಾ • 7. Sarasuttavaṇṇanā
