| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. සරණගමනියත්ථෙරඅපදානං
3. Saraṇagamaniyattheraapadānaṃ
19.
19.
‘‘ආරුහිම්හ තදා නාවං, භික්ඛු චාජීවිකො චහං;
‘‘Āruhimha tadā nāvaṃ, bhikkhu cājīviko cahaṃ;
නාවාය භිජ්ජමානාය, භික්ඛු මෙ සරණං අදා.
Nāvāya bhijjamānāya, bhikkhu me saraṇaṃ adā.
20.
20.
‘‘එකතිංසෙ ඉතො කප්පෙ, යං සො මෙ සරණං අදා;
‘‘Ekatiṃse ito kappe, yaṃ so me saraṇaṃ adā;
දුග්ගතිං නාභිජානාමි, සරණගමනෙ ඵලං.
Duggatiṃ nābhijānāmi, saraṇagamane phalaṃ.
21.
21.
‘‘කිලෙසා ඣාපිතා මය්හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
22.
22.
‘‘ස්වාගතං වත මෙ ආසි…පෙ.… කතං බුද්ධස්ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
23.
23.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා සරණගමනියො ථෙරො ඉමා ගාථායො
Itthaṃ sudaṃ āyasmā saraṇagamaniyo thero imā gāthāyo
අභාසිත්ථාති.
Abhāsitthāti.
සරණගමනියත්ථෙරස්සාපදානං තතියං.
Saraṇagamaniyattherassāpadānaṃ tatiyaṃ.
