| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. สรณคมนิยเตฺถรอปทานํ
8. Saraṇagamaniyattheraapadānaṃ
๓๖.
36.
‘‘ปพฺพเต หิมวนฺตมฺหิ, อโหสิํ ลุทฺทโก ตทา;
‘‘Pabbate himavantamhi, ahosiṃ luddako tadā;
วิปสฺสิํ อทฺทสํ พุทฺธํ, โลกเชฎฺฐํ นราสภํฯ
Vipassiṃ addasaṃ buddhaṃ, lokajeṭṭhaṃ narāsabhaṃ.
๓๗.
37.
‘‘อุปาสิตฺวาน สมฺพุทฺธํ, เวยฺยาวจฺจมกาสหํ;
‘‘Upāsitvāna sambuddhaṃ, veyyāvaccamakāsahaṃ;
สรณญฺจ อุปาคจฺฉิํ, ทฺวิปทินฺทสฺส ตาทิโนฯ
Saraṇañca upāgacchiṃ, dvipadindassa tādino.
๓๘.
38.
‘‘เอกนวุติโต กเปฺป, สรณํ อุปคจฺฉหํ;
‘‘Ekanavutito kappe, saraṇaṃ upagacchahaṃ;
ทุคฺคติํ นาภิชานามิ, สรณาคมนปฺผลํฯ
Duggatiṃ nābhijānāmi, saraṇāgamanapphalaṃ.
๓๙.
39.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สรณคมนิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā saraṇagamaniyo thero imā gāthāyo abhāsitthāti.
สรณคมนิยเตฺถรสฺสาปทานํ อฎฺฐมํฯ
Saraṇagamaniyattherassāpadānaṃ aṭṭhamaṃ.
