| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. सरणगमनियत्थेरअपदानं
9. Saraṇagamaniyattheraapadānaṃ
३४.
34.
‘‘आरुहिम्ह तदा नावं, भिक्खु चाजीवको चहं।
‘‘Āruhimha tadā nāvaṃ, bhikkhu cājīvako cahaṃ;
नावाय भिज्जमानाय, भिक्खु मे सरणं अदा॥
Nāvāya bhijjamānāya, bhikkhu me saraṇaṃ adā.
३५.
35.
‘‘एकत्तिंसे इतो कप्पे, यञ्च मे सरणं अदा।
‘‘Ekattiṃse ito kappe, yañca me saraṇaṃ adā;
दुग्गतिं नाभिजानामि, सरणागमने फलं॥
Duggatiṃ nābhijānāmi, saraṇāgamane phalaṃ.
३६.
36.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सरणगमनियो थेरो इमा गाथायो अभासित्थाति।
Itthaṃ sudaṃ āyasmā saraṇagamaniyo thero imā gāthāyo abhāsitthāti.
सरणगमनियत्थेरस्सापदानं नवमं।
Saraṇagamaniyattherassāpadānaṃ navamaṃ.
