| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. सरणगमनियत्थेरअपदानं
8. Saraṇagamaniyattheraapadānaṃ
३६.
36.
‘‘पब्बते हिमवन्तम्हि, अहोसिं लुद्दको तदा।
‘‘Pabbate himavantamhi, ahosiṃ luddako tadā;
विपस्सिं अद्दसं बुद्धं, लोकजेट्ठं नरासभं॥
Vipassiṃ addasaṃ buddhaṃ, lokajeṭṭhaṃ narāsabhaṃ.
३७.
37.
‘‘उपासित्वान सम्बुद्धं, वेय्यावच्चमकासहं।
‘‘Upāsitvāna sambuddhaṃ, veyyāvaccamakāsahaṃ;
सरणञ्च उपागच्छिं, द्विपदिन्दस्स तादिनो॥
Saraṇañca upāgacchiṃ, dvipadindassa tādino.
३८.
38.
‘‘एकनवुतितो कप्पे, सरणं उपगच्छहं।
‘‘Ekanavutito kappe, saraṇaṃ upagacchahaṃ;
दुग्गतिं नाभिजानामि, सरणागमनप्फलं॥
Duggatiṃ nābhijānāmi, saraṇāgamanapphalaṃ.
३९.
39.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सरणगमनियो थेरो इमा गाथायो अभासित्थाति।
Itthaṃ sudaṃ āyasmā saraṇagamaniyo thero imā gāthāyo abhāsitthāti.
सरणगमनियत्थेरस्सापदानं अट्ठमं।
Saraṇagamaniyattherassāpadānaṃ aṭṭhamaṃ.
