| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3. ஸரத³ஸுத்தவண்ணனா
3. Saradasuttavaṇṇanā
95. ததியே வித்³தே⁴தி தூ³ரீபூ⁴தே. தூ³ரபா⁴வோ ச ஆகாஸஸ்ஸ வலாஹகவிக³மேன ஹோதீதி ஆஹ ‘‘வலாஹகவிக³மேன தூ³ரீபூ⁴தே’’தி. தேனேவ ஹி ‘‘வித்³தே⁴ விக³தவலாஹகே’’தி வுத்தங். நப⁴ங் அப்³பு⁴ஸ்ஸக்கமானோதி ஆகாஸங் அபி⁴லங்க⁴ந்தோ. இமினா தருணஸூரியபா⁴வோ த³ஸ்ஸிதோ. நாதிதூ³ரோதி³தே ஹி ஆதி³ச்சே தருணஸூரியஸமஞ்ஞா. து³வித⁴மேவஸ்ஸ ஸங்யோஜனங் நத்தீ²தி ஓரம்பா⁴கி³யஉத்³த⁴ம்பா⁴கி³யவஸேன து³வித⁴ம்பி ஸங்யோஜனங் அஸ்ஸ பட²மஜ்ஜா²னலாபி⁴னோ அரியஸாவகஸ்ஸ நத்தி². கஸ்மா பனஸ்ஸ உத்³த⁴ம்பா⁴கி³யஸங்யோஜனம்பி நத்தீ²தி வுத்தங். ஓரம்பா⁴கி³யஸங்யோஜனானமேவ ஹெத்த² பஹானங் வுத்தந்தி ஆஹ ‘‘இதரம்பீ’’திஆதி³, இதரங் உத்³த⁴ம்பா⁴கி³யஸங்யோஜனங் புன இமங் லோகங் படிஸந்தி⁴வஸேன ஆனேதுங் அஸமத்த²தாய நத்தீ²தி வுத்தந்தி அத்தோ². ஜா²னலாபி⁴னோ ஹி ஸப்³பே³பி அரியா ப்³ரஹ்மலோகூபபன்னா ஹெட்டா² ந உப்பஜ்ஜந்தி, உத்³த⁴ங் உத்³த⁴ங் உப்பஜ்ஜந்தாபி வேஹப்ப²லங் அகனிட்ட²ங் ப⁴வக்³க³ஞ்ச பத்வா ந புனஞ்ஞத்த² ஜாயந்தி, தத்த² தத்தே²வ அரஹத்தங் பத்வா பரினிப்³பா³யந்தி. தேனேவாஹ ‘‘இமஸ்மிங் ஸுத்தே ஜா²னானாகா³மீ நாம கதி²தோ’’தி. ஜா²னவஸேன ஹி ஹெட்டா² ந ஆக³ச்ச²தீதி ஜா²னானாகா³மீ.
95. Tatiye viddheti dūrībhūte. Dūrabhāvo ca ākāsassa valāhakavigamena hotīti āha ‘‘valāhakavigamena dūrībhūte’’ti. Teneva hi ‘‘viddhe vigatavalāhake’’ti vuttaṃ. Nabhaṃ abbhussakkamānoti ākāsaṃ abhilaṅghanto. Iminā taruṇasūriyabhāvo dassito. Nātidūrodite hi ādicce taruṇasūriyasamaññā. Duvidhamevassa saṃyojanaṃ natthīti orambhāgiyauddhambhāgiyavasena duvidhampi saṃyojanaṃ assa paṭhamajjhānalābhino ariyasāvakassa natthi. Kasmā panassa uddhambhāgiyasaṃyojanampi natthīti vuttaṃ. Orambhāgiyasaṃyojanānameva hettha pahānaṃ vuttanti āha ‘‘itarampī’’tiādi, itaraṃ uddhambhāgiyasaṃyojanaṃ puna imaṃ lokaṃ paṭisandhivasena ānetuṃ asamatthatāya natthīti vuttanti attho. Jhānalābhino hi sabbepi ariyā brahmalokūpapannā heṭṭhā na uppajjanti, uddhaṃ uddhaṃ uppajjantāpi vehapphalaṃ akaniṭṭhaṃ bhavaggañca patvā na punaññattha jāyanti, tattha tattheva arahattaṃ patvā parinibbāyanti. Tenevāha ‘‘imasmiṃ sutte jhānānāgāmī nāma kathito’’ti. Jhānavasena hi heṭṭhā na āgacchatīti jhānānāgāmī.
ஸரத³ஸுத்தவண்ணனா நிட்டி²தா.
Saradasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. ஸரத³ஸுத்தங் • 3. Saradasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. ஸரத³ஸுத்தவண்ணனா • 3. Saradasuttavaṇṇanā
