| Library / Tipiṭaka / திபிடக • Tipiṭaka / தே²ரகா³தா²பாளி • Theragāthāpāḷi |
5. ஸரப⁴ங்க³த்தே²ரகா³தா²
5. Sarabhaṅgattheragāthā
487.
487.
‘‘ஸரே ஹத்தே²ஹி ப⁴ஞ்ஜித்வா, கத்வான குடிமச்சி²ஸங்;
‘‘Sare hatthehi bhañjitvā, katvāna kuṭimacchisaṃ;
தேன மே ஸரப⁴ங்கோ³தி, நாமங் ஸம்முதியா அஹு.
Tena me sarabhaṅgoti, nāmaṃ sammutiyā ahu.
488.
488.
‘‘ந மய்ஹங் கப்பதே அஜ்ஜ, ஸரே ஹத்தே²ஹி ப⁴ஞ்ஜிதுங்;
‘‘Na mayhaṃ kappate ajja, sare hatthehi bhañjituṃ;
ஸிக்கா²பதா³ நோ பஞ்ஞத்தா, கோ³தமேன யஸஸ்ஸினா.
Sikkhāpadā no paññattā, gotamena yasassinā.
489.
489.
‘‘ஸகலங் ஸமத்தங் ரோக³ங், ஸரப⁴ங்கோ³ நாத்³த³ஸங் புப்³பே³;
‘‘Sakalaṃ samattaṃ rogaṃ, sarabhaṅgo nāddasaṃ pubbe;
ஸோயங் ரோகோ³ தி³ட்டோ², வசனகரேனாதிதே³வஸ்ஸ.
Soyaṃ rogo diṭṭho, vacanakarenātidevassa.
490.
490.
‘‘யேனேவ மக்³கே³ன க³தோ விபஸ்ஸீ, யேனேவ மக்³கே³ன ஸிகீ² ச வெஸ்ஸபூ⁴;
‘‘Yeneva maggena gato vipassī, yeneva maggena sikhī ca vessabhū;
ககுஸந்த⁴கோணாக³மனோ ச கஸ்ஸபோ, தேனஞ்ஜஸேன அக³மாஸி கோ³தமோ.
Kakusandhakoṇāgamano ca kassapo, tenañjasena agamāsi gotamo.
491.
491.
‘‘வீததண்ஹா அனாதா³னா, ஸத்த பு³த்³தா⁴ க²யோக³தா⁴;
‘‘Vītataṇhā anādānā, satta buddhā khayogadhā;
யேஹாயங் தே³ஸிதோ த⁴ம்மோ, த⁴ம்மபூ⁴தேஹி தாதி³பி⁴.
Yehāyaṃ desito dhammo, dhammabhūtehi tādibhi.
492.
492.
‘‘சத்தாரி அரியஸச்சானி, அனுகம்பாய பாணினங்;
‘‘Cattāri ariyasaccāni, anukampāya pāṇinaṃ;
து³க்க²ங் ஸமுத³யோ மக்³கோ³, நிரோதோ⁴ து³க்க²ஸங்க²யோ.
Dukkhaṃ samudayo maggo, nirodho dukkhasaṅkhayo.
493.
493.
‘‘யஸ்மிங் நிவத்ததே 1 து³க்க²ங், ஸங்ஸாரஸ்மிங் அனந்தகங்;
‘‘Yasmiṃ nivattate 2 dukkhaṃ, saṃsārasmiṃ anantakaṃ;
பே⁴தா³ இமஸ்ஸ காயஸ்ஸ, ஜீவிதஸ்ஸ ச ஸங்க²யா;
Bhedā imassa kāyassa, jīvitassa ca saṅkhayā;
அஞ்ஞோ புனப்³ப⁴வோ நத்தி², ஸுவிமுத்தொம்ஹி ஸப்³ப³தீ⁴’’தி.
Añño punabbhavo natthi, suvimuttomhi sabbadhī’’ti.
… ஸரப⁴ங்கோ³ தே²ரோ….
… Sarabhaṅgo thero….
ஸத்தகனிபாதோ நிட்டி²தோ.
Sattakanipāto niṭṭhito.
தத்ருத்³தா³னங் –
Tatruddānaṃ –
ஸுந்த³ரஸமுத்³தோ³ தே²ரோ, தே²ரோ லகுண்ட³ப⁴த்³தி³யோ;
Sundarasamuddo thero, thero lakuṇḍabhaddiyo;
ப⁴த்³தோ³ தே²ரோ ச ஸோபாகோ, ஸரப⁴ங்கோ³ மஹாஇஸி;
Bhaddo thero ca sopāko, sarabhaṅgo mahāisi;
ஸத்தகே பஞ்சகா தே²ரா, கா³தா²யோ பஞ்சதிங்ஸதீதி.
Sattake pañcakā therā, gāthāyo pañcatiṃsatīti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / தே²ரகா³தா²-அட்ட²கதா² • Theragāthā-aṭṭhakathā / 5. ஸரப⁴ங்க³த்தே²ரகா³தா²வண்ணனா • 5. Sarabhaṅgattheragāthāvaṇṇanā
