| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༣. སཔྤུརིསསུཏྟཝཎྞནཱ
3. Sappurisasuttavaṇṇanā
༧༣. ཏཏིཡེ ཨཝཎྞོཏི ཨགུཎོ། པཱཏུ ཀརོཏཱིཏི ཀཐེཏི, པཱཀཊཾ ཀརོཏི། པཉྷཱབྷིནཱིཏོཏི པཉྷཏྠཱཡ ཨབྷིནཱིཏོ། ཨཧཱཔེཏྭཱ ཨལམྦིཏྭཱཏི ཨཔརིཧཱིནཾ ཨལམྦིཏཾ ཀཏྭཱ། ཨེཏྠ ཙ ཨསཔྤུརིསོ པཱཔིཙྪཏཱཡ ཨཏྟནོ ཨཝཎྞཾ ཚཱདེཏི, སཔྤུརིསོ ལཛྫིཏཱཡ ཨཏྟནོ ཝཎྞཾ། ཨིདཱནི ཡསྨཱ ཨསཔྤུརིསོ ཧིརོཏྟཔྤརཧིཏོ སཾཝཱསེན ཨཝཛཱནཱཏི, སཔྤུརིསོ པན ཧིརོཏྟཔྤསམནྣཱགཏོ སཾཝཱསེནཱཔི ནཱཝཛཱནཱཏི། ཏསྨཱ ཨསཔྤུརིསབྷཱཝསཱདྷཀཾ ཨདྷུནཱགཏཝདྷུཀོཔམྨཾ དསྶེཏུཾ སེཡྻཐཱཔི, བྷིཀྑཝེ, ཝདྷུཀཱཏིཨཱདིམཱཧ། ཏཏྠ ཝདྷུཀཱཏི སུཎིསཱ། ཏིབྦནྟི བཧལཾ། སེསམེཏྠ ཨུཏྟཱནཏྠམེཝཱཏི།
73. Tatiye avaṇṇoti aguṇo. Pātukarotīti katheti, pākaṭaṃ karoti. Pañhābhinītoti pañhatthāya abhinīto. Ahāpetvā alambitvāti aparihīnaṃ alambitaṃ katvā. Ettha ca asappuriso pāpicchatāya attano avaṇṇaṃ chādeti, sappuriso lajjitāya attano vaṇṇaṃ. Idāni yasmā asappuriso hirottapparahito saṃvāsena avajānāti, sappuriso pana hirottappasamannāgato saṃvāsenāpi nāvajānāti. Tasmā asappurisabhāvasādhakaṃ adhunāgatavadhukopammaṃ dassetuṃ seyyathāpi, bhikkhave, vadhukātiādimāha. Tattha vadhukāti suṇisā. Tibbanti bahalaṃ. Sesamettha uttānatthamevāti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༣. སཔྤུརིསསུཏྟཾ • 3. Sappurisasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣-༥. སཔྤུརིསསུཏྟཱདིཝཎྞནཱ • 3-5. Sappurisasuttādivaṇṇanā
