| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೮. ಸಪ್ಪುರಿಸಸುತ್ತವಣ್ಣನಾ
8. Sappurisasuttavaṇṇanā
೩೮. ಅಟ್ಠಮೇ ಅತ್ಥಾಯಾತಿ ಅತ್ಥತ್ಥಾಯ। ಹಿತಾಯ ಸುಖಾಯಾತಿ ಹಿತತ್ಥಾಯ ಸುಖತ್ಥಾಯ। ಪುಬ್ಬಪೇತಾನನ್ತಿ ಪರಲೋಕಗತಾನಂ ಞಾತೀನಂ। ಇಮಸ್ಮಿಂ ಸುತ್ತೇ ಅನುಪ್ಪನ್ನೇ ಬುದ್ಧೇ ಚಕ್ಕವತ್ತಿರಾಜಾನೋ ಬೋಧಿಸತ್ತಾ ಪಚ್ಚೇಕಬುದ್ಧಾ ಲಬ್ಭನ್ತಿ, ಬುದ್ಧಕಾಲೇ ಬುದ್ಧಾ ಚೇವ ಬುದ್ಧಸಾವಕಾ ಚ। ಯಥಾವುತ್ತಾನಞ್ಹಿ ಏತೇಸಂ ಅತ್ಥಾಯ ಹಿತಾಯ ಸುಖಾಯ ಸಂವತ್ತನ್ತಿ। ಬಹುನ್ನಂ ವತ ಅತ್ಥಾಯ, ಸಪ್ಪಞ್ಞೋ ಘರಮಾವಸನ್ತಿ ಸಪ್ಪಞ್ಞೋ ಘರೇ ವಸನ್ತೋ ಬಹೂನಂ ವತ ಅತ್ಥಾಯ ಹೋತಿ। ಪುಬ್ಬೇತಿ ಪಠಮೇವ। ಪುಬ್ಬೇಕತಮನುಸ್ಸರನ್ತಿ ಮಾತಾಪಿತೂನಂ ಪುಬ್ಬಕಾರಗುಣೇ ಅನುಸ್ಸರನ್ತೋ। ಸಹಧಮ್ಮೇನಾತಿ ಸಕಾರಣೇನ ಪಚ್ಚಯಪೂಜನೇನ ಪೂಜೇತಿ। ಅಪಚೇ ಬ್ರಹ್ಮಚಾರಯೋತಿ ಬ್ರಹ್ಮಚಾರಿನೋ ಅಪಚಯತಿ, ನೀಚವುತ್ತಿತಂ ನೇಸಂ ಆಪಜ್ಜತಿ। ಪೇಸಲೋತಿ ಪಿಯಸೀಲೋ।
38. Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavattirājāno bodhisattā paccekabuddhā labbhanti, buddhakāle buddhā ceva buddhasāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃvata atthāya, sappañño gharamāvasanti sappañño ghare vasanto bahūnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apace brahmacārayoti brahmacārino apacayati, nīcavuttitaṃ nesaṃ āpajjati. Pesaloti piyasīlo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೮. ಸಪ್ಪುರಿಸಸುತ್ತಂ • 8. Sappurisasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೭-೮. ಸಪ್ಪುರಿಸದಾನಸುತ್ತಾದಿವಣ್ಣನಾ • 7-8. Sappurisadānasuttādivaṇṇanā
