| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೩. ಸಪ್ಪುರಿಸಸುತ್ತವಣ್ಣನಾ
3. Sappurisasuttavaṇṇanā
೭೩. ತತಿಯೇ ಅವಣ್ಣೋತಿ ಅಗುಣೋ। ಪಾತು ಕರೋತೀತಿ ಕಥೇತಿ, ಪಾಕಟಂ ಕರೋತಿ। ಪಞ್ಹಾಭಿನೀತೋತಿ ಪಞ್ಹತ್ಥಾಯ ಅಭಿನೀತೋ। ಅಹಾಪೇತ್ವಾ ಅಲಮ್ಬಿತ್ವಾತಿ ಅಪರಿಹೀನಂ ಅಲಮ್ಬಿತಂ ಕತ್ವಾ। ಏತ್ಥ ಚ ಅಸಪ್ಪುರಿಸೋ ಪಾಪಿಚ್ಛತಾಯ ಅತ್ತನೋ ಅವಣ್ಣಂ ಛಾದೇತಿ, ಸಪ್ಪುರಿಸೋ ಲಜ್ಜಿತಾಯ ಅತ್ತನೋ ವಣ್ಣಂ। ಇದಾನಿ ಯಸ್ಮಾ ಅಸಪ್ಪುರಿಸೋ ಹಿರೋತ್ತಪ್ಪರಹಿತೋ ಸಂವಾಸೇನ ಅವಜಾನಾತಿ, ಸಪ್ಪುರಿಸೋ ಪನ ಹಿರೋತ್ತಪ್ಪಸಮನ್ನಾಗತೋ ಸಂವಾಸೇನಾಪಿ ನಾವಜಾನಾತಿ। ತಸ್ಮಾ ಅಸಪ್ಪುರಿಸಭಾವಸಾಧಕಂ ಅಧುನಾಗತವಧುಕೋಪಮ್ಮಂ ದಸ್ಸೇತುಂ ಸೇಯ್ಯಥಾಪಿ, ಭಿಕ್ಖವೇ, ವಧುಕಾತಿಆದಿಮಾಹ। ತತ್ಥ ವಧುಕಾತಿ ಸುಣಿಸಾ। ತಿಬ್ಬನ್ತಿ ಬಹಲಂ। ಸೇಸಮೇತ್ಥ ಉತ್ತಾನತ್ಥಮೇವಾತಿ।
73. Tatiye avaṇṇoti aguṇo. Pātukarotīti katheti, pākaṭaṃ karoti. Pañhābhinītoti pañhatthāya abhinīto. Ahāpetvā alambitvāti aparihīnaṃ alambitaṃ katvā. Ettha ca asappuriso pāpicchatāya attano avaṇṇaṃ chādeti, sappuriso lajjitāya attano vaṇṇaṃ. Idāni yasmā asappuriso hirottapparahito saṃvāsena avajānāti, sappuriso pana hirottappasamannāgato saṃvāsenāpi nāvajānāti. Tasmā asappurisabhāvasādhakaṃ adhunāgatavadhukopammaṃ dassetuṃ seyyathāpi, bhikkhave, vadhukātiādimāha. Tattha vadhukāti suṇisā. Tibbanti bahalaṃ. Sesamettha uttānatthamevāti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೩. ಸಪ್ಪುರಿಸಸುತ್ತಂ • 3. Sappurisasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೩-೫. ಸಪ್ಪುರಿಸಸುತ್ತಾದಿವಣ್ಣನಾ • 3-5. Sappurisasuttādivaṇṇanā
