| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. သပ္ပုရိသသုတ္တဝဏ္ဏနာ
3. Sappurisasuttavaṇṇanā
၇၃. တတိယေ အဝဏ္ဏောတိ အဂုဏော။ ပာတု ကရောတီတိ ကထေတိ, ပာကဋံ ကရောတိ။ ပဉ္ဟာဘိနီတောတိ ပဉ္ဟတ္ထာယ အဘိနီတော။ အဟာပေတ္ဝာ အလမ္ဗိတ္ဝာတိ အပရိဟီနံ အလမ္ဗိတံ ကတ္ဝာ။ ဧတ္ထ စ အသပ္ပုရိသော ပာပိစ္ဆတာယ အတ္တနော အဝဏ္ဏံ ဆာဒေတိ, သပ္ပုရိသော လဇ္ဇိတာယ အတ္တနော ဝဏ္ဏံ။ ဣဒာနိ ယသ္မာ အသပ္ပုရိသော ဟိရောတ္တပ္ပရဟိတော သံဝာသေန အဝဇာနာတိ, သပ္ပုရိသော ပန ဟိရောတ္တပ္ပသမန္နာဂတော သံဝာသေနာပိ နာဝဇာနာတိ။ တသ္မာ အသပ္ပုရိသဘာဝသာဓကံ အဓုနာဂတဝဓုကောပမ္မံ ဒသ္သေတုံ သေယ္ယထာပိ, ဘိက္ခဝေ, ဝဓုကာတိအာဒိမာဟ။ တတ္ထ ဝဓုကာတိ သုဏိသာ။ တိဗ္ဗန္တိ ဗဟလံ။ သေသမေတ္ထ ဥတ္တာနတ္ထမေဝာတိ။
73. Tatiye avaṇṇoti aguṇo. Pātukarotīti katheti, pākaṭaṃ karoti. Pañhābhinītoti pañhatthāya abhinīto. Ahāpetvā alambitvāti aparihīnaṃ alambitaṃ katvā. Ettha ca asappuriso pāpicchatāya attano avaṇṇaṃ chādeti, sappuriso lajjitāya attano vaṇṇaṃ. Idāni yasmā asappuriso hirottapparahito saṃvāsena avajānāti, sappuriso pana hirottappasamannāgato saṃvāsenāpi nāvajānāti. Tasmā asappurisabhāvasādhakaṃ adhunāgatavadhukopammaṃ dassetuṃ seyyathāpi, bhikkhave, vadhukātiādimāha. Tattha vadhukāti suṇisā. Tibbanti bahalaṃ. Sesamettha uttānatthamevāti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. သပ္ပုရိသသုတ္တံ • 3. Sappurisasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၃-၅. သပ္ပုရိသသုတ္တာဒိဝဏ္ဏနာ • 3-5. Sappurisasuttādivaṇṇanā
