| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૮. સપ્પુરિસસુત્તવણ્ણના
8. Sappurisasuttavaṇṇanā
૩૮. અટ્ઠમે અત્થાયાતિ અત્થત્થાય. હિતાય સુખાયાતિ હિતત્થાય સુખત્થાય. પુબ્બપેતાનન્તિ પરલોકગતાનં ઞાતીનં. ઇમસ્મિં સુત્તે અનુપ્પન્ને બુદ્ધે ચક્કવત્તિરાજાનો બોધિસત્તા પચ્ચેકબુદ્ધા લબ્ભન્તિ, બુદ્ધકાલે બુદ્ધા ચેવ બુદ્ધસાવકા ચ. યથાવુત્તાનઞ્હિ એતેસં અત્થાય હિતાય સુખાય સંવત્તન્તિ. બહુન્નં વત અત્થાય, સપ્પઞ્ઞો ઘરમાવસન્તિ સપ્પઞ્ઞો ઘરે વસન્તો બહૂનં વત અત્થાય હોતિ. પુબ્બેતિ પઠમેવ. પુબ્બેકતમનુસ્સરન્તિ માતાપિતૂનં પુબ્બકારગુણે અનુસ્સરન્તો. સહધમ્મેનાતિ સકારણેન પચ્ચયપૂજનેન પૂજેતિ. અપચે બ્રહ્મચારયોતિ બ્રહ્મચારિનો અપચયતિ, નીચવુત્તિતં નેસં આપજ્જતિ. પેસલોતિ પિયસીલો.
38. Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavattirājāno bodhisattā paccekabuddhā labbhanti, buddhakāle buddhā ceva buddhasāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃvata atthāya, sappañño gharamāvasanti sappañño ghare vasanto bahūnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apace brahmacārayoti brahmacārino apacayati, nīcavuttitaṃ nesaṃ āpajjati. Pesaloti piyasīlo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૮. સપ્પુરિસસુત્તં • 8. Sappurisasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૭-૮. સપ્પુરિસદાનસુત્તાદિવણ્ણના • 7-8. Sappurisadānasuttādivaṇṇanā
