| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
८. सप्पुरिससुत्तवण्णना
8. Sappurisasuttavaṇṇanā
३८. अट्ठमे अत्थायाति अत्थत्थाय। हिताय सुखायाति हितत्थाय सुखत्थाय। पुब्बपेतानन्ति परलोकगतानं ञातीनं। इमस्मिं सुत्ते अनुप्पन्ने बुद्धे चक्कवत्तिराजानो बोधिसत्ता पच्चेकबुद्धा लब्भन्ति, बुद्धकाले बुद्धा चेव बुद्धसावका च। यथावुत्तानञ्हि एतेसं अत्थाय हिताय सुखाय संवत्तन्ति। बहुन्नं वत अत्थाय, सप्पञ्ञो घरमावसन्ति सप्पञ्ञो घरे वसन्तो बहूनं वत अत्थाय होति। पुब्बेति पठमेव। पुब्बेकतमनुस्सरन्ति मातापितूनं पुब्बकारगुणे अनुस्सरन्तो। सहधम्मेनाति सकारणेन पच्चयपूजनेन पूजेति। अपचे ब्रह्मचारयोति ब्रह्मचारिनो अपचयति, नीचवुत्तितं नेसं आपज्जति। पेसलोति पियसीलो।
38. Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavattirājāno bodhisattā paccekabuddhā labbhanti, buddhakāle buddhā ceva buddhasāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃvata atthāya, sappañño gharamāvasanti sappañño ghare vasanto bahūnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apace brahmacārayoti brahmacārino apacayati, nīcavuttitaṃ nesaṃ āpajjati. Pesaloti piyasīlo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ८. सप्पुरिससुत्तं • 8. Sappurisasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ७-८. सप्पुरिसदानसुत्तादिवण्णना • 7-8. Sappurisadānasuttādivaṇṇanā
