| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೧೧. ಸಪ್ಪುರಿಸಾನಿಸಂಸಸುತ್ತಂ
11. Sappurisānisaṃsasuttaṃ
೨೪೨. ‘‘ಸಪ್ಪುರಿಸಂ , ಭಿಕ್ಖವೇ, ನಿಸ್ಸಾಯ ಚತ್ತಾರೋ ಆನಿಸಂಸಾ ಪಾಟಿಕಙ್ಖಾ। ಕತಮೇ ಚತ್ತಾರೋ? ಅರಿಯೇನ ಸೀಲೇನ ವಡ್ಢತಿ, ಅರಿಯೇನ ಸಮಾಧಿನಾ ವಡ್ಢತಿ, ಅರಿಯಾಯ ಪಞ್ಞಾಯ ವಡ್ಢತಿ, ಅರಿಯಾಯ ವಿಮುತ್ತಿಯಾ ವಡ್ಢತಿ – ಸಪ್ಪುರಿಸಂ, ಭಿಕ್ಖವೇ, ನಿಸ್ಸಾಯ ಇಮೇ ಚತ್ತಾರೋ ಆನಿಸಂಸಾ ಪಾಟಿಕಙ್ಖಾ’’ತಿ। ಏಕಾದಸಮಂ।
242. ‘‘Sappurisaṃ , bhikkhave, nissāya cattāro ānisaṃsā pāṭikaṅkhā. Katame cattāro? Ariyena sīlena vaḍḍhati, ariyena samādhinā vaḍḍhati, ariyāya paññāya vaḍḍhati, ariyāya vimuttiyā vaḍḍhati – sappurisaṃ, bhikkhave, nissāya ime cattāro ānisaṃsā pāṭikaṅkhā’’ti. Ekādasamaṃ.
ಕಮ್ಮವಗ್ಗೋ ಚತುತ್ಥೋ।
Kammavaggo catuttho.
ತಸ್ಸುದ್ದಾನಂ –
Tassuddānaṃ –
ಸಂಖಿತ್ತ ವಿತ್ಥಾರ ಸೋಣಕಾಯನ,
Saṃkhitta vitthāra soṇakāyana,
ಸಿಕ್ಖಾಪದಂ ಅರಿಯಮಗ್ಗೋ ಬೋಜ್ಝಙ್ಗಂ।
Sikkhāpadaṃ ariyamaggo bojjhaṅgaṃ;
ಸಾವಜ್ಜಞ್ಚೇವ ಅಬ್ಯಾಬಜ್ಝಂ,
Sāvajjañceva abyābajjhaṃ,
ಸಮಣೋ ಚ ಸಪ್ಪುರಿಸಾನಿಸಂಸೋತಿ॥
Samaṇo ca sappurisānisaṃsoti.
Related texts:
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧೦-೧೧. ಸಮಣಸುತ್ತಾದಿವಣ್ಣನಾ • 10-11. Samaṇasuttādivaṇṇanā
