| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၁. သပ္ပုရိသာနိသံသသုတ္တံ
11. Sappurisānisaṃsasuttaṃ
၂၄၂. ‘‘သပ္ပုရိသံ , ဘိက္ခဝေ, နိသ္သာယ စတ္တာရော အာနိသံသာ ပာဋိကင္ခာ။ ကတမေ စတ္တာရော? အရိယေန သီလေန ဝဍ္ဎတိ, အရိယေန သမာဓိနာ ဝဍ္ဎတိ, အရိယာယ ပညာယ ဝဍ္ဎတိ, အရိယာယ ဝိမုတ္တိယာ ဝဍ္ဎတိ – သပ္ပုရိသံ, ဘိက္ခဝေ, နိသ္သာယ ဣမေ စတ္တာရော အာနိသံသာ ပာဋိကင္ခာ’’တိ။ ဧကာဒသမံ။
242. ‘‘Sappurisaṃ , bhikkhave, nissāya cattāro ānisaṃsā pāṭikaṅkhā. Katame cattāro? Ariyena sīlena vaḍḍhati, ariyena samādhinā vaḍḍhati, ariyāya paññāya vaḍḍhati, ariyāya vimuttiyā vaḍḍhati – sappurisaṃ, bhikkhave, nissāya ime cattāro ānisaṃsā pāṭikaṅkhā’’ti. Ekādasamaṃ.
ကမ္မဝဂ္ဂော စတုတ္ထော။
Kammavaggo catuttho.
တသ္သုဒ္ဒာနံ –
Tassuddānaṃ –
သံခိတ္တ ဝိတ္ထာရ သောဏကာယန၊
Saṃkhitta vitthāra soṇakāyana,
သိက္ခာပဒံ အရိယမဂ္ဂော ဗောဇ္ဈင္ဂံ။
Sikkhāpadaṃ ariyamaggo bojjhaṅgaṃ;
သာဝဇ္ဇဉ္စေဝ အဗ္ယာဗဇ္ဈံ၊
Sāvajjañceva abyābajjhaṃ,
သမဏော စ သပ္ပုရိသာနိသံသောတိ။
Samaṇo ca sappurisānisaṃsoti.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁၀-၁၁. သမဏသုတ္တာဒိဝဏ္ဏနာ • 10-11. Samaṇasuttādivaṇṇanā
