| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၂. သပ္ပာဏကသိက္ခာပဒဝဏ္ဏနာ
2. Sappāṇakasikkhāpadavaṇṇanā
သပ္ပာဏကန္တိ ပာဏကာနံ မရဏဝသေန ပာစိတ္တိယံ, န သပ္ပာဏကဥဒကပရိဘောဂဝသေန ပာစိတ္တိယံ, တသ္မာ ဧဝ ‘‘ပဏ္ဏတ္တိဝဇ္ဇ’’န္တိ ဝုတ္တံ။ အသုဒ္ဓစိတ္တတ္တာ ပာစိတ္တိယံ, သုဒ္ဓစိတ္တေ အနာပတ္တိ။ ပဒီပုဇ္ဇလနေ ဝိယ ပဏ္ဏတ္တိဝဇ္ဇတာ ဝုတ္တာတိ လိခိတံ။
Sappāṇakanti pāṇakānaṃ maraṇavasena pācittiyaṃ, na sappāṇakaudakaparibhogavasena pācittiyaṃ, tasmā eva ‘‘paṇṇattivajja’’nti vuttaṃ. Asuddhacittattā pācittiyaṃ, suddhacitte anāpatti. Padīpujjalane viya paṇṇattivajjatā vuttāti likhitaṃ.
ဇလေ ပက္ခိပနံ ပုဗ္ဗံ၊ ဇလပ္ပဝေသနံ ဣဒံ။
Jale pakkhipanaṃ pubbaṃ, jalappavesanaṃ idaṃ;
ဧဝံ ဥဘိန္နံ နာနာတ္တံ၊ ဉေယ္ယံ ဉာဏဝတာ သဒာတိ။ (ဝဇိရ. ဋီ. ပာစိတ္တိယ ၃၈၇)
Evaṃ ubhinnaṃ nānāttaṃ, ñeyyaṃ ñāṇavatā sadāti. (vajira. ṭī. pācittiya 387)
သပ္ပာဏကသိက္ခာပဒဝဏ္ဏနာ နိဋ္ဌိတာ။
Sappāṇakasikkhāpadavaṇṇanā niṭṭhitā.
