| Library / Tipiṭaka / తిపిటక • Tipiṭaka / కఙ్ఖావితరణీ-పురాణ-టీకా • Kaṅkhāvitaraṇī-purāṇa-ṭīkā |
౨. సప్పాణకసిక్ఖాపదవణ్ణనా
2. Sappāṇakasikkhāpadavaṇṇanā
సప్పాణకన్తి పాణకానం మరణవసేన పాచిత్తియం, న సప్పాణకఉదకపరిభోగవసేన పాచిత్తియం, తస్మా ఏవ ‘‘పణ్ణత్తివజ్జ’’న్తి వుత్తం. అసుద్ధచిత్తత్తా పాచిత్తియం, సుద్ధచిత్తే అనాపత్తి. పదీపుజ్జలనే వియ పణ్ణత్తివజ్జతా వుత్తాతి లిఖితం.
Sappāṇakanti pāṇakānaṃ maraṇavasena pācittiyaṃ, na sappāṇakaudakaparibhogavasena pācittiyaṃ, tasmā eva ‘‘paṇṇattivajja’’nti vuttaṃ. Asuddhacittattā pācittiyaṃ, suddhacitte anāpatti. Padīpujjalane viya paṇṇattivajjatā vuttāti likhitaṃ.
జలే పక్ఖిపనం పుబ్బం, జలప్పవేసనం ఇదం;
Jale pakkhipanaṃ pubbaṃ, jalappavesanaṃ idaṃ;
ఏవం ఉభిన్నం నానాత్తం, ఞేయ్యం ఞాణవతా సదాతి. (వజిర॰ టీ॰ పాచిత్తియ ౩౮౭)
Evaṃ ubhinnaṃ nānāttaṃ, ñeyyaṃ ñāṇavatā sadāti. (vajira. ṭī. pācittiya 387)
సప్పాణకసిక్ఖాపదవణ్ణనా నిట్ఠితా.
Sappāṇakasikkhāpadavaṇṇanā niṭṭhitā.
