| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒. สปฺปาณกสิกฺขาปทํ
2. Sappāṇakasikkhāpadaṃ
๓๘๗. ทุติเย สห ปาเณหีติ สปฺปาณกํ อุทกนฺติ ทเสฺสโนฺต อาห ‘‘เย ปาณกา’’ติอาทิฯ หีติ สจฺจํฯ ปตฺตปูรมฺปิ อุทกนฺติ สมฺพโนฺธ ฯ ตาทิเสนาติ สปฺปาณเกนฯ โธวโตปิ ปาจิตฺติยนฺติ โยชนาฯ อุทกโสณฺฑินฺติ สิลามยํ อุทกโสณฺฑิํฯ โปกฺขรณินฺติ สิลามยํ โปกฺขรณิํฯ อุฎฺฐาปยโตปิ ปาจิตฺติยนฺติ สมฺพโนฺธฯ ตโตติ โสณฺฑิโปกฺขรณีหิฯ อุทกสฺสาติ อุทเกน, ปูเร ฆเฎ อาสิญฺจิตฺวาติ สมฺพโนฺธฯ ตตฺถาติ อุทเกฯ อุทเกติ อุทกสณฺฐานกปเทเส อาสิญฺจิตอุทเกฯ ปติสฺสตีติ โสณฺฑิโปกฺขรณีหิ คหิตอุทกํ ปติสฺสตีติฯ ทุติยํฯ
387. Dutiye saha pāṇehīti sappāṇakaṃ udakanti dassento āha ‘‘ye pāṇakā’’tiādi. Hīti saccaṃ. Pattapūrampi udakanti sambandho . Tādisenāti sappāṇakena. Dhovatopi pācittiyanti yojanā. Udakasoṇḍinti silāmayaṃ udakasoṇḍiṃ. Pokkharaṇinti silāmayaṃ pokkharaṇiṃ. Uṭṭhāpayatopi pācittiyanti sambandho. Tatoti soṇḍipokkharaṇīhi. Udakassāti udakena, pūre ghaṭe āsiñcitvāti sambandho. Tatthāti udake. Udaketi udakasaṇṭhānakapadese āsiñcitaudake. Patissatīti soṇḍipokkharaṇīhi gahitaudakaṃ patissatīti. Dutiyaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๗. สปฺปาณกวโคฺค • 7. Sappāṇakavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๒. สปฺปาณกสิกฺขาปทวณฺณนา • 2. Sappāṇakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๒. สปฺปาณกสิกฺขาปทวณฺณนา • 2. Sappāṇakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๒. สปฺปาณกสิกฺขาปทวณฺณนา • 2. Sappāṇakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๒. สปฺปาณกสิกฺขาปทวณฺณนา • 2. Sappāṇakasikkhāpadavaṇṇanā
