4. Saparivāriyattheraapadānaṃ

15.

‘‘Padumuttaro nāma jino, lokajeṭṭho narāsabho;

Jalitvā aggikkhandhova, sambuddho parinibbuto.

16.

‘‘Nibbute ca mahāvīre, thūpo vitthāriko ahu;

Dūratova ² upaṭṭhenti, dhātugehavaruttame.

17.

‘‘Pasannacitto sumano, akaṃ candanavedikaṃ;

Dissati thūpakhandho ca ⁴, thūpānucchaviko tadā.

18.

‘‘Bhave nibbattamānamhi, devatte atha mānuse;

Omattaṃ me na passāmi, pubbakammassidaṃ phalaṃ.

19.

‘‘Pañcadasakappasate , ito aṭṭha janā ahuṃ;

Sabbe samattanāmā te, cakkavattī mahabbalā.

20.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā saparivāriyo thero imā gāthāyo abhāsitthāti.

Saparivāriyattherassāpadānaṃ catutthaṃ.