| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೬. ಸಪರಿವಾರಾಸನತ್ಥೇರಅಪದಾನಂ
6. Saparivārāsanattheraapadānaṃ
೪೩.
43.
‘‘ಪದುಮುತ್ತರಬುದ್ಧಸ್ಸ, ಪಿಣ್ಡಪಾತಂ ಅದಾಸಹಂ।
‘‘Padumuttarabuddhassa, piṇḍapātaṃ adāsahaṃ;
೪೪.
44.
‘‘ತಮ್ಹಾಸನಮ್ಹಿ ಆಸೀನೋ, ಬುದ್ಧೋ ಲೋಕಗ್ಗನಾಯಕೋ।
‘‘Tamhāsanamhi āsīno, buddho lokagganāyako;
ಅಕಿತ್ತಯಿ ಪಿಣ್ಡಪಾತಂ, ಉಜುಭೂತೋ ಸಮಾಹಿತೋ॥
Akittayi piṇḍapātaṃ, ujubhūto samāhito.
೪೫.
45.
‘‘ಯಥಾಪಿ ಭದ್ದಕೇ ಖೇತ್ತೇ, ಬೀಜಂ ಅಪ್ಪಮ್ಪಿ ರೋಪಿತಂ।
‘‘Yathāpi bhaddake khette, bījaṃ appampi ropitaṃ;
ಸಮ್ಮಾ ಧಾರಂ ಪವೇಚ್ಛನ್ತೇ, ಫಲಂ ತೋಸೇತಿ ಕಸ್ಸಕಂ॥
Sammā dhāraṃ pavecchante, phalaṃ toseti kassakaṃ.
೪೬.
46.
‘‘ತಥೇವಾಯಂ ಪಿಣ್ಡಪಾತೋ, ಸುಖೇತ್ತೇ ರೋಪಿತೋ ತಯಾ।
‘‘Tathevāyaṃ piṇḍapāto, sukhette ropito tayā;
೪೭.
47.
‘‘ಇದಂ ವತ್ವಾನ ಸಮ್ಬುದ್ಧೋ, ಜಲಜುತ್ತಮನಾಮಕೋ।
‘‘Idaṃ vatvāna sambuddho, jalajuttamanāmako;
ಪಿಣ್ಡಪಾತಂ ಗಹೇತ್ವಾನ, ಪಕ್ಕಾಮಿ ಉತ್ತರಾಮುಖೋ॥
Piṇḍapātaṃ gahetvāna, pakkāmi uttarāmukho.
೪೮.
48.
‘‘ಸಂವುತೋ ಪಾತಿಮೋಕ್ಖಸ್ಮಿಂ, ಇನ್ದ್ರಿಯೇಸು ಚ ಪಞ್ಚಸು।
‘‘Saṃvuto pātimokkhasmiṃ, indriyesu ca pañcasu;
ಪವಿವೇಕಮನುಯುತ್ತೋ, ವಿಹರಾಮಿ ಅನಾಸವೋ॥
Pavivekamanuyutto, viharāmi anāsavo.
೪೯.
49.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸಪರಿವಾರಾಸನೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā saparivārāsano thero imā gāthāyo abhāsitthāti.
ಸಪರಿವಾರಾಸನತ್ಥೇರಸ್ಸಾಪದಾನಂ ಛಟ್ಠಂ।
Saparivārāsanattherassāpadānaṃ chaṭṭhaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೬. ಸಪರಿವಾರಾಸನತ್ಥೇರಅಪದಾನವಣ್ಣನಾ • 6. Saparivārāsanattheraapadānavaṇṇanā
