| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. सपरिवारासनत्थेरअपदानं
6. Saparivārāsanattheraapadānaṃ
४३.
43.
‘‘पदुमुत्तरबुद्धस्स, पिण्डपातं अदासहं।
‘‘Padumuttarabuddhassa, piṇḍapātaṃ adāsahaṃ;
४४.
44.
‘‘तम्हासनम्हि आसीनो, बुद्धो लोकग्गनायको।
‘‘Tamhāsanamhi āsīno, buddho lokagganāyako;
अकित्तयि पिण्डपातं, उजुभूतो समाहितो॥
Akittayi piṇḍapātaṃ, ujubhūto samāhito.
४५.
45.
‘‘यथापि भद्दके खेत्ते, बीजं अप्पम्पि रोपितं।
‘‘Yathāpi bhaddake khette, bījaṃ appampi ropitaṃ;
सम्मा धारं पवेच्छन्ते, फलं तोसेति कस्सकं॥
Sammā dhāraṃ pavecchante, phalaṃ toseti kassakaṃ.
४६.
46.
‘‘तथेवायं पिण्डपातो, सुखेत्ते रोपितो तया।
‘‘Tathevāyaṃ piṇḍapāto, sukhette ropito tayā;
४७.
47.
‘‘इदं वत्वान सम्बुद्धो, जलजुत्तमनामको।
‘‘Idaṃ vatvāna sambuddho, jalajuttamanāmako;
पिण्डपातं गहेत्वान, पक्कामि उत्तरामुखो॥
Piṇḍapātaṃ gahetvāna, pakkāmi uttarāmukho.
४८.
48.
‘‘संवुतो पातिमोक्खस्मिं, इन्द्रियेसु च पञ्चसु।
‘‘Saṃvuto pātimokkhasmiṃ, indriyesu ca pañcasu;
पविवेकमनुयुत्तो, विहरामि अनासवो॥
Pavivekamanuyutto, viharāmi anāsavo.
४९.
49.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सपरिवारासनो थेरो इमा गाथायो अभासित्थाति।
Itthaṃ sudaṃ āyasmā saparivārāsano thero imā gāthāyo abhāsitthāti.
सपरिवारासनत्थेरस्सापदानं छट्ठं।
Saparivārāsanattherassāpadānaṃ chaṭṭhaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ६. सपरिवारासनत्थेरअपदानवण्णना • 6. Saparivārāsanattheraapadānavaṇṇanā
