| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৬. সপরিৰারাসনত্থেরঅপদানং
6. Saparivārāsanattheraapadānaṃ
৪৩.
43.
‘‘পদুমুত্তরবুদ্ধস্স, পিণ্ডপাতং অদাসহং।
‘‘Padumuttarabuddhassa, piṇḍapātaṃ adāsahaṃ;
৪৪.
44.
‘‘তম্হাসনম্হি আসীনো, বুদ্ধো লোকগ্গনাযকো।
‘‘Tamhāsanamhi āsīno, buddho lokagganāyako;
অকিত্তযি পিণ্ডপাতং, উজুভূতো সমাহিতো॥
Akittayi piṇḍapātaṃ, ujubhūto samāhito.
৪৫.
45.
‘‘যথাপি ভদ্দকে খেত্তে, বীজং অপ্পম্পি রোপিতং।
‘‘Yathāpi bhaddake khette, bījaṃ appampi ropitaṃ;
সম্মা ধারং পৰেচ্ছন্তে, ফলং তোসেতি কস্সকং॥
Sammā dhāraṃ pavecchante, phalaṃ toseti kassakaṃ.
৪৬.
46.
‘‘তথেৰাযং পিণ্ডপাতো, সুখেত্তে রোপিতো তযা।
‘‘Tathevāyaṃ piṇḍapāto, sukhette ropito tayā;
৪৭.
47.
‘‘ইদং ৰত্ৰান সম্বুদ্ধো, জলজুত্তমনামকো।
‘‘Idaṃ vatvāna sambuddho, jalajuttamanāmako;
পিণ্ডপাতং গহেত্ৰান, পক্কামি উত্তরামুখো॥
Piṇḍapātaṃ gahetvāna, pakkāmi uttarāmukho.
৪৮.
48.
‘‘সংৰুতো পাতিমোক্খস্মিং, ইন্দ্রিযেসু চ পঞ্চসু।
‘‘Saṃvuto pātimokkhasmiṃ, indriyesu ca pañcasu;
পৰিৰেকমনুযুত্তো, ৰিহরামি অনাসৰো॥
Pavivekamanuyutto, viharāmi anāsavo.
৪৯.
49.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা সপরিৰারাসনো থেরো ইমা গাথাযো অভাসিত্থাতি।
Itthaṃ sudaṃ āyasmā saparivārāsano thero imā gāthāyo abhāsitthāti.
সপরিৰারাসনত্থেরস্সাপদানং ছট্ঠং।
Saparivārāsanattherassāpadānaṃ chaṭṭhaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৬. সপরিৰারাসনত্থেরঅপদানৰণ্ণনা • 6. Saparivārāsanattheraapadānavaṇṇanā
