| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. саанусуд̇д̇аван̣н̣анаа
5. Sānusuttavaṇṇanā
239. яагкзна г̇ахид̇о ход̇ийд̇и яагкзна анубавидто ход̇и. д̇асса яагкаг̇ахан̣асса гааран̣ам̣ муулад̇о бабхуд̇и вид̇т̇аарад̇о д̣̇ассзд̇ум̣ ‘‘со’’д̇иаад̣̇имааха. д̇асса анд̇имабхавигад̇д̇аа аад̣̇ид̇о бадтааяа ад̇хисийласигкааяа саггажжам̣ бууран̣анд̇и д̣̇ассзд̇и ‘‘со баб̣б̣аж̇ид̇агаалад̇о’’д̇иаад̣̇инаа. бажжаахааранд̇и бадигкзбам̣. имасмим̣ сарабхан̃н̃зд̇и имасмим̣ мама д̇хаммабхан̣анз. бад̇д̇инд̇и бад̇д̇ид̣̇аанам̣. бияаа хонд̇и, д̇знааха бхаг̇аваа ‘‘ааган̇кзяяа жз, бхигкавз, бхигку ‘саб̣рахмажаарийнам̣ бияо жа ассам̣ манаабо жа г̇ару жа бхааванийяо жаа’д̇и, сийлзсвзвасса барибуурагаарий’’д̇и (ма. ни. 1.65). д̇ат̇аа жааха ‘‘д̇асмим̣ сааман̣зрз’’д̇иаад̣̇и.
239.Yakkhenagahito hotīti yakkhena anupaviṭṭho hoti. Tassa yakkhagahaṇassa kāraṇaṃ mūlato pabhuti vitthārato dassetuṃ ‘‘so’’tiādimāha. Tassa antimabhavikattā ādito paṭṭhāya adhisīlasikkhāya sakkaccaṃ pūraṇanti dasseti ‘‘so pabbajitakālato’’tiādinā. Paccāhāranti paṭikkhepaṃ. Imasmiṃ sarabhaññeti imasmiṃ mama dhammabhaṇane. Pattinti pattidānaṃ. Piyā honti, tenāha bhagavā ‘‘ākaṅkheyya ce, bhikkhave, bhikkhu ‘sabrahmacārīnaṃ piyo ca assaṃ manāpo ca garu ca bhāvanīyo cā’ti, sīlesvevassa paripūrakārī’’ti (ma. ni. 1.65). Tathā cāha ‘‘tasmiṃ sāmaṇere’’tiādi.
вуд̣дхиманвааяаад̇и яоб̣б̣анаббад̇д̇ияаа ан̇г̇абажжан̇г̇аанам̣ баривуд̣дхимааг̇амма. гаамасамбхог̇асамад̇т̇ад̇аавасзна барибаггинд̣̇рияо. ануяож̇зд̇вааваад̇и виссаж̇ж̇зд̇ваава, г̇ихибхаавз ваа ануяож̇зд̇ваава. ‘‘буб̣б̣з д̇уяхам̣ буд̇д̇о сийлаваа галяаан̣ад̇хаммо лаж̇ж̇ий гуггужжаго сигкаагаамод̇и самбхаавид̇о, ид̣̇аани д̇ад̇о ан̃н̃ат̇аа ж̇аад̇о’’д̇и гхосанаавасзна д̣̇звад̇аанам̣ анд̇арз маахзва мз лаж̇ж̇ам̣ уббаад̣̇зяяа.
Vuḍḍhimanvāyāti yobbanappattiyā aṅgapaccaṅgānaṃ parivuḍḍhimāgamma. Kāmasambhogasamatthatāvasena paripakkindriyo. Anuyojetvāvāti vissajjetvāva, gihibhāve vā anuyojetvāva. ‘‘Pubbe tuyhaṃ putto sīlavā kalyāṇadhammo lajjī kukkuccako sikkhākāmoti sambhāvito, idāni tato aññathā jāto’’ti ghosanāvasena devatānaṃ antare māheva me lajjaṃ uppādeyya.
баадихаарияабагкан̃жаад̇и жаад̇уд̣̇д̣̇асийбан̃жад̣̇асийадтамийнам̣ яат̇ааггамам̣ аад̣̇ид̇о анд̇ад̇о аад̣̇ианд̇ад̇о жа бавзсананигкаманавасзна убосат̇асийласса бади бади абхимукам̣ бажжаавахид̇аб̣б̣абагкан̃жа. д̇зрасияаабийд̇и барам̣ сад̇д̇амийнавамийсубийд̇и ад̇т̇о. бавзсабхууд̇ан̃хи убосат̇асийласса сад̇д̇амийсу самаад̣̇иннам̣ сийлам̣ бадибад̣̇ам̣, навамийсу нигкамабхууд̇анд̇и аажарияаа. бораан̣адтагат̇ааяам̣ бана бажжуг̇г̇аманаануг̇аманабарияааязна вуд̇д̇анд̇и ааха ‘‘мануссаа’’д̇иаад̣̇и. ад̣дхамаасанд̇и сагалагаалабагкам̣ . зван̃хи вассаваасасса ануг̇аманам̣ г̇ад̇ам̣ ход̇и. судту самааг̇ад̇анд̇и субарисуд̣̇д̇хам̣ самбаннам̣ гад̇ваа ад̇д̇ано санд̇аанам̣ ааг̇ад̇ам̣. д̇ам̣ бана ад̇д̇ано жид̇д̇зна самам̣ багаарзхи яуд̇д̇ам̣ ход̇ийд̇и ааха ‘‘самбаяуд̇д̇а’’нд̇и. араханд̇аанам̣ анугаран̣зна сздтажарияам̣. ‘‘на д̇з хи яагкаа гийл̣анд̇ий’’д̇и ад̇д̇ано буд̇д̇асса гааяз ад̇химужжанам̣ ад̇д̇ано гийл̣анам̣ вияа ход̇ийд̇и гад̇ваа ааха.
Pāṭihāriyapakkhañcāti cātuddasīpañcadasīaṭṭhamīnaṃ yathākkamaṃ ādito antato ādiantato ca pavesananikkhamanavasena uposathasīlassa paṭi paṭi abhimukhaṃ paccāvahitabbapakkhañca. Terasiyāpīti paraṃ sattamīnavamīsupīti attho. Pavesabhūtañhi uposathasīlassa sattamīsu samādinnaṃ sīlaṃ paṭipadaṃ, navamīsu nikkhamabhūtanti ācariyā. Porāṇaṭṭhakathāyaṃ pana paccuggamanānugamanapariyāyena vuttanti āha ‘‘manussā’’tiādi. Aḍḍhamāsanti sakalakālapakkhaṃ . Evañhi vassavāsassa anugamanaṃ gataṃ hoti. Suṭṭhu samāgatanti suparisuddhaṃ sampannaṃ katvā attano santānaṃ āgataṃ. Taṃ pana attano cittena samaṃ pakārehi yuttaṃ hotīti āha ‘‘sampayutta’’nti. Arahantānaṃ anukaraṇena seṭṭhacariyaṃ. ‘‘Na te hi yakkhā kīḷantī’’ti attano puttassa kāye adhimuccanaṃ attano kīḷanaṃ viya hotīti katvā āha.
убаасигаа яат̇аавуд̇д̇аубосат̇асийлзна сийлавад̇ий, сааман̣зро бана ад̇д̇ано сааман̣зрасийлзна сийлаваа. уббад̇ид̇ваад̇и аагаасз уббад̇ид̇ваа. могко над̇т̇и д̣̇угкаавахасса гаммасса гад̇уубажид̇ад̇д̇аа.
Upāsikā yathāvuttauposathasīlena sīlavatī, sāmaṇero pana attano sāmaṇerasīlena sīlavā. Uppatitvāti ākāse uppatitvā. Mokkho natthi dukkhāvahassa kammassa katūpacitattā.
д̣̇увид̇хзби гаамзд̇и вад̇т̇угаамагилзсагаамз. гилзсагаамам̣ барижжаж̇анд̇о зва хи вад̇т̇угаамз барижжаж̇ад̇и наама. виб̣бхаманавасзна ааг̇ажчад̇и бхигкааяа аахин̣д̣анаад̣̇ибаб̣б̣аж̇ид̇агижжад̇о. уббаб̣б̣аж̇ид̇ваа виг̇ад̇асийласса ж̇ийвад̇о аанаабаанамад̇д̇зна ж̇ийванд̇оби со мад̇агова. вуд̇д̇ан̃хзд̇ам̣ ‘‘маран̣ан̃хзд̇ам̣, сунагкад̇д̇а, арияасса винаяз, яо сигкам̣ бажжагкааяа хийнааяаавад̇д̇ад̇ий’’д̇и (ма. ни. 3.45).
Duvidhepi kāmeti vatthukāmakilesakāme. Kilesakāmaṃ pariccajanto eva hi vatthukāme pariccajati nāma. Vibbhamanavasena āgacchati bhikkhāya āhiṇḍanādipabbajitakiccato. Uppabbajitvā vigatasīlassa jīvato ānāpānamattena jīvantopi so matakova. Vuttañhetaṃ ‘‘maraṇañhetaṃ, sunakkhatta, ariyassa vinaye, yo sikkhaṃ paccakkhāya hīnāyāvattatī’’ti (ma. ni. 3.45).
ун̣хадтзнаад̇и сабарил̣аахадтзна. абхид̇хаават̇аад̇и абхид̇хаавад̇ийд̇и имасмим̣ абхид̇хааванагижжз бхад̣̇д̣̇ам̣ д̇з ход̇ууд̇и вад̇ваа г̇ихибхаавааяа абхид̇хаават̇а. нийхарид̇ваад̇и нигкаамзд̇ваа. згаад̣̇асахи аг̇г̇ийхи аад̣̇ид̇д̇ад̇д̇аа махаад̣аахасад̣̇исз. саллагкзд̇ваад̇и г̇ихибхаавз аад̣̇ийнавам̣, баб̣б̣аж̇ж̇ааяа аанисам̣сан̃жа саллагкзд̇ваа. хирод̇д̇аббам̣ бадилабхид̇ваа ‘‘мама уббаб̣б̣аж̇ид̇угаамад̇ам̣ саб̣рахмажаарино ж̇ааниссанд̇ий’’д̇и. жад̇уннам̣ барисаанам̣ жид̇д̇асан̇кобхавасзна сагалаж̇амб̣уд̣̇ийбам̣ кобхзд̇ваа.
Uṇhaṭṭhenāti sapariḷāhaṭṭhena. Abhidhāvathāti abhidhāvatīti imasmiṃ abhidhāvanakicce bhaddaṃ te hotūti vatvā gihibhāvāya abhidhāvatha. Nīharitvāti nikkhāmetvā. Ekādasahi aggīhi ādittattā mahāḍāhasadise. Sallakkhetvāti gihibhāve ādīnavaṃ, pabbajjāya ānisaṃsañca sallakkhetvā. Hirottappaṃ paṭilabhitvā ‘‘mama uppabbajitukāmataṃ sabrahmacārino jānissantī’’ti. Catunnaṃ parisānaṃ cittasaṅkhobhavasena sakalajambudīpaṃ khobhetvā.
саанусуд̇д̇аван̣н̣анаа нидтид̇аа.
Sānusuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. саанусуд̇д̇ам̣ • 5. Sānusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. саанусуд̇д̇аван̣н̣анаа • 5. Sānusuttavaṇṇanā
