| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൮. സന്തുട്ഠിതാസുത്തം
8. Santuṭṭhitāsuttaṃ
൧൧൪. ‘‘തയോമേ, ഭിക്ഖവേ, ധമ്മാ. കതമേ തയോ? അസന്തുട്ഠിതാ, അസമ്പജഞ്ഞം, മഹിച്ഛതാ. ഇമേ ഖോ, ഭിക്ഖവേ, തയോ ധമ്മാ. ഇമേസം ഖോ, ഭിക്ഖവേ, തിണ്ണം ധമ്മാനം പഹാനായ തയോ ധമ്മാ ഭാവേതബ്ബാ. കതമേ തയോ? അസന്തുട്ഠിതായ പഹാനായ സന്തുട്ഠിതാ ഭാവേതബ്ബാ, അസമ്പജഞ്ഞസ്സ പഹാനായ സമ്പജഞ്ഞം ഭാവേതബ്ബം, മഹിച്ഛതായ പഹാനായ അപ്പിച്ഛതാ ഭാവേതബ്ബാ. ഇമേസം ഖോ, ഭിക്ഖവേ, തിണ്ണം ധമ്മാനം പഹാനായ ഇമേ തയോ ധമ്മാ ഭാവേതബ്ബാ’’തി. അട്ഠമം.
114. ‘‘Tayome, bhikkhave, dhammā. Katame tayo? Asantuṭṭhitā, asampajaññaṃ, mahicchatā. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Asantuṭṭhitāya pahānāya santuṭṭhitā bhāvetabbā, asampajaññassa pahānāya sampajaññaṃ bhāvetabbaṃ, mahicchatāya pahānāya appicchatā bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Aṭṭhamaṃ.
Related texts:
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൧. പാതുഭാവസുത്താദിവണ്ണനാ • 1-11. Pātubhāvasuttādivaṇṇanā
