| Library / Tipiṭaka / တိပိဋက • Tipiṭaka / ခုဒ္ဒသိက္ခာ-မူလသိက္ခာ • Khuddasikkhā-mūlasikkhā |
၄၈. သန္တောသနိဒ္ဒေသဝဏ္ဏနာ
48. Santosaniddesavaṇṇanā
၄၅၉. ‘‘စတ္တာရိမာနိ , ဘိက္ခဝေ, အပ္ပာနိ စေဝ သုလဘာနိ စ, တာနိ စ အနဝဇ္ဇာနိ။ ကတမာနိ စတ္တာရိ? ပံသုကူလံ, ဘိက္ခဝေ, စီဝရာနံ အပ္ပဉ္စ သုလဘဉ္စ, တဉ္စ အနဝဇ္ဇံ။ ပိဏ္ဍိယာလောပော, ဘိက္ခဝေ, ဘောဇနာနံ အပ္ပဉ္စ သုလဘဉ္စ, တဉ္စ အနဝဇ္ဇံ။ ရုက္ခမူလံ , ဘိက္ခဝေ, သေနာသနာနံ အပ္ပဉ္စ သုလဘဉ္စ, တဉ္စ အနဝဇ္ဇံ။ ပူတိမုတ္တဘေသဇ္ဇံ, ဘိက္ခဝေ, ဘေသဇ္ဇာနံ အပ္ပဉ္စ သုလဘဉ္စ, တဉ္စ အနဝဇ္ဇံ။ ဣမာနိ ခော, ဘိက္ခဝေ, စတ္တာရိ အပ္ပာနိ စေဝ သုလဘာနိ စ, တာနိ စ အနဝဇ္ဇာနီ’’တိ (အ. နိ. ၄.၂၇; ဣတိဝု. ၁၀၁) ဝစနတော ‘‘အပ္ပေနာ’’တိအာဒိ ဝုတ္တံ။
459. ‘‘Cattārimāni , bhikkhave, appāni ceva sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca, tañca anavajjaṃ. Piṇḍiyālopo, bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ , bhikkhave, senāsanānaṃ appañca sulabhañca, tañca anavajjaṃ. Pūtimuttabhesajjaṃ, bhikkhave, bhesajjānaṃ appañca sulabhañca, tañca anavajjaṃ. Imāni kho, bhikkhave, cattāri appāni ceva sulabhāni ca, tāni ca anavajjānī’’ti (a. ni. 4.27; itivu. 101) vacanato ‘‘appenā’’tiādi vuttaṃ.
သန္တုဋ္ဌောတိ ဧတ္ထ ယထာလာဘယထာဗလယထာသာရုပ္ပသန္တောသာနံ ဝသေန ဧကေကသ္မိံ ပစ္စယေ တယော တယော ကတ္ဝာ စတူသု ပစ္စယေသု ဒ္ဝာဒသ သန္တောသာ ဟောန္တိ။ မတ္တညူတိ ဧတ္ထ (မ. နိ. အဋ္ဌ. ၁.၄၂၂; သံ. နိ. အဋ္ဌ. ၃.၄.၂၃၉; အ. နိ. အဋ္ဌ. ၂.၃.၁၆; ဣတိဝု. အဋ္ဌ. ၂၈; ဓ. သ. အဋ္ဌ. ၁၂၄-၁၃၄) စတ္တာရော မတ္တာ ပရိယေသနမတ္တာ ပဋိဂ္ဂဟဏမတ္တာ ပရိဘောဂမတ္တာ ဝိသ္သဇ္ဇနမတ္တာတိ။ ဣတရီတရေန ယာပေန္တော သုဘရော နာမ။ သန္တောသဝိနိစ္ဆယော။
Santuṭṭhoti ettha yathālābhayathābalayathāsāruppasantosānaṃ vasena ekekasmiṃ paccaye tayo tayo katvā catūsu paccayesu dvādasa santosā honti. Mattaññūti ettha (ma. ni. aṭṭha. 1.422; saṃ. ni. aṭṭha. 3.4.239; a. ni. aṭṭha. 2.3.16; itivu. aṭṭha. 28; dha. sa. aṭṭha. 124-134) cattāro mattā pariyesanamattā paṭiggahaṇamattā paribhogamattā vissajjanamattāti. Itarītarena yāpento subharo nāma. Santosavinicchayo.
သန္တောသနိဒ္ဒေသဝဏ္ဏနာ နိဋ္ဌိတာ။
Santosaniddesavaṇṇanā niṭṭhitā.
